The First Ride (2-0-2-5)

IMDB ⭐️ 6.7/10

အပန်းဖြေရင်း ရယ်မောချင်လား..
သူငယ်ချင်းတွေနဲ့အတူ ငိုကြွေးချင်လား..

ဘဝရဲ့ ပင်ပန်းနွမ်းနယ်မှုတွေကို ခေတ္တမေ့ပျောက်ပြီး ငယ်သူငယ်ချင်း ၅ ယောက်ရဲ့ ရူးကြောင်ကြောင်နိုင်လွန်းတဲ့ ခရီးစဉ်ထဲမှာ အတူတူ စီးမျောလိုက်ပါသွားဖို့ ဖိတ်ခေါ်လိုက်ချင်ပါတယ်။

IMDB 6.7/10 ရရှိထားတဲ့ ဒီကားလေးက Adventure, Comedy အမျိုးအစားဖြစ်ပြီး ငယ်ဘဝကတည်းက ပေါင်းလာတဲ့ သူငယ်ချင်း ၅ ယောက်ရဲ့ ပထမဆုံး နိုင်ငံခြားခရီးစဉ်အကြောင်းကို ရိုက်ကူးထားတာပါ။

အပေါ်ယံကြည့်ရင်တော့ သမားရိုးကျ သူငယ်ချင်းတွေ ခရီးသွားတဲ့ကားလို့ ထင်ရပေမဲ့ ဇာတ်လမ်းရဲ့ လေးနက်တဲ့ အလှည့်အပြောင်းတွေက ကြည့်ရှုသူတွေကို မျက်ရည်ကျစေမှာ အမှန်ပါ။ ခင်မင်မှု၊ ဆုံးရှုံးမှုနဲ့ နောင်တတွေကို ဟာသလေးတွေ နှောပြီး တင်ဆက်ထားတဲ့အတွက် “Must-Watch” စာရင်းထဲမှာ ထည့်ကိုထည့်ရမဲ့ ကားကောင်းလေးတစ်ကား ဖြစ်ပါတယ်။

သရုပ်ဆောင်ပိုင်းမှာတော့ တကယ်ကို Dream Team လို့ ပြောရမဲ့ Kang Ha Neul၊ Kim Young Kwang၊ Cha Eun Woo၊ Kang Young Seok နဲ့ Han Sun Hwa တို့က ပါဝင်ထားပါတယ်။

Kang Ha Neul ကတော့ သူ့ရဲ့ ထုံးစံအတိုင်း ပေါ့ပေါ့ပါးပါးနဲ့ သဘာဝကျကျ သရုပ်ဆောင်သွားနိုင်သလို၊ Kim Young Kwang ကလည်း စိတ်ခံစားမှုအပိုင်းတွေကို ထိထိမိမိ ဖော်ပြပေးသွားပါတယ်။ အထူးသဖြင့် Cha Eun Woo ရဲ့ သရုပ်ဆောင်မှုက ဒီကားမှာ တော်တော်လေး ထူးခြားပြီး သူ့ရဲ့ ဇာတ်ကောင်ဖြစ်တဲ့ ယောင်းမင်းက ဇာတ်လမ်းတစ်လျှောက်လုံးရဲ့ အသက်လို့တောင် ပြောလို့ရပါတယ်။ Squid Game တို့ Work Later, Drink Now တို့မှာ တွေ့ခဲ့ရတဲ့ ရင်းနှီးပြီးသား သရုပ်ဆောင်တွေရဲ့ တွဲဖက်ညီမှုကိုလည်း မြင်တွေ့ရမှာပါ။
ဒါရိုက်တာ Nam Dae Joong ကလည်း ခင်မင်မှုရဲ့ တန်ဖိုးကို ပရိသတ်တွေ ရင်ထဲရောက်အောင် ပုံဖော်ပေးထားပါသေးတယ်။

ဇာတ်လမ်းက သူငယ်ချင်းတစ်ယောက်ရဲ့ မမျှော်လင့်ထားတဲ့ ကြေညာချက်တစ်ခုကြောင့် ထိုင်းနိုင်ငံက ဆုန်ခရန်ဂီတပွဲတော်ကို သွားဖို့ ဖြစ်လာတဲ့ အဖြစ်အပျက်ကနေ စတင်တာပါ။ ခရီးစဉ်တစ်လျှောက်မှာ ထောင်ကျမလိုဖြစ်တာတွေ၊ ဟိုတယ်အစုတ်မှာ တည်းရတာတွေကနေစလို့ လူမှုကွန်ရက်ပေါ်မှာ နာမည်ကြီးသွားတဲ့အထိ အလွဲအချော်ပေါင်းစုံကို “တဝါးဝါး တဟားဟား” မြင်တွေ့ရမှာပါ။

ဇာတ်လမ်းရဲ့ အငွေ့အသက်က အစပိုင်းမှာ ရှယ်ရယ်ရပေမဲ့ နောက်ပိုင်းမှာတော့ တကယ်ကို စိမ့်နေမဲ့ ခံစားချက်နဲ့အတူ နှလုံးသားကို ထိမှန်စေမဲ့ Twist လေးတွေ ပါဝင်နေတာမို့ အလုပ်တွေအရမ်းများပြီး စိတ်ပင်ပန်းနေတဲ့အချိန်မှာ သူငယ်ချင်းတွေနဲ့ ပြန်ဆုံချင်စိတ်ကို တဖွားဖွားဖြစ်ပေါ်စေမဲ့ ဒီကားလေးကို အခုပဲ ကြည့်ရှုလိုက်ကြရအောင်နော်။

Genre ….. Adventure, Comedy, Drama
Quality ….. 720P / 1080P WEB-DL (HEVC)
File Size ….. 1.04GB / 2.18GB
Review ….. Bom
Translator ….. Bom
Encoder ….. SNNT

Rainbow Channel