Wildcat (2025)

အက်ရှင်ကားခပ်ကြမ်းကြမ်းတွေနဲ့ အုပ်လိုက်ကြီးကို လူနည်းနည်းလေးကပြန်ဖြုတ်တဲ့ ဝုန်းဒိုင်းအုန်းဂွမ်းဇာတ်ကားကြိုက်သူတွေအတွက် ၂၀၂၅ ရဲ့ အသစ်စက်စက် အက်ရှင်ကားတစ်ကားတင်ဆက်ပေးချင်ပါတယ်။

ဇာတ်လမ်းအကျဉ်းကတော့
လန်ဒန်မြိုရဲ့မြေအောက်လောကကို ထိန်းချုပ်ထားတဲ့ ဂိုဏ်းကြီးနှစ်ခုရှိပါတယ်။ တစ်ဖက်မှာ ရက်စက်ပြီး သံလက်သီးနဲ့အုပ်ချုပ်တဲ့ မစ္စစ်ဗိုင်း နဲ့ နောက်တစ်ဖက်မှာ ယုတ်မာကောက်ကျစ်တဲ့ ဖရေဇာမဟိုနီတိုပါ။ သူတိုနှစ်ဖွဲကြားမှာ နယ်မြေလုရင်း စစ်ပွဲဖြစ်လုဆဲဆဲ တင်းမာနေတဲ့အချိန်ဖြစ်ပါတယ်။

ဇာတ်လမ်းရဲ့ အဓိကဇာတ်ကောင်ဖြစ်သူ အေဒါက အထူးတပ်ဖွဲက အငြိမ်းစားတစ်ယောက်ပါ။ ပြဿနာက သူ့ရဲ့မောင်ဖြစ်သူ အက်ဝပ်က မဟိုနီဆီမှာ အကြွေးတွေတင်ပြီး ပြန်မဆပ်နိုင်တဲ့အခါ မဟိုနီက အေဒါ့ရဲ့သမီးငယ်လေး ရှားလော့ကို ပြန်ပေးဆွဲသွားပါတယ်။ သမီးကို ပြန်လိုချင်ရင် ငွေသား ပေါင် ၅ သိန်း ကို နောက်တစ်နေ့မနက် ၆ နာရီ အရောက်ယူလာဖို ရာဇသံပေးလိုက်ပါတယ်။

ပိုက်ဆံ ၅ သိန်း ချက်ချင်းရဖိုအတွက် အေဒါဟာ အစီအစဉ်တစ်ခုဆွဲလိုက်ပါတယ်။ မစ္စစ်ဗိုင်းပိုင်တဲ့ ရတနာဆိုင်ကို မဟိုနီရဲ့လူတွေဟန်ဆောင်ပြီး ဝင်စီးကာ ရန်တိုက်ပေးဖိုပါပဲ။ နယ်မြေလုရင်း စစ်မီးဖြစ်ပွားတော့မဲ့ ဂိုဏ်းကြီးနှစ်ခု အချင်းချင်း စစ်တိုက်နေရင် သူတိုကို လိုက်ဖမ်းဖို အချိန်မရတော့အောင်ဆိုတဲ့အကြံနဲ့ပါ။

တကယ့်အကြမ်းစားဂိုဏ်းနှစ်ခုရဲ့ မျက်ခုံးမွေးပေါ် စင်္ကြံလျှောက်မဲ့အစီအစဉ်ဟာ ချောချောမောမောအောင်မြင်သွားပါ့မလား.. ရှားလော့ကိုရော အန္တရာယ်ကင်းကင်းနဲ့ကယ်တင်နိုင်ပါ့မလားဆိုတာကို ပရိသတ်ကြီးလည်း ကျည်ဆံတွေကြားမှာ အတူစောင့်ကြည့်အားပေးလိုက်ကြပါဦးဗျာ။

Genre ….. Action, Thriller
Quality ….. 720P / 1080P WEB-DL (HEVC)
File Size ….. 799.19MB / 1.69GB
Review ….. LL
Translator ….. RMC Team
Encoder ….. N.A.S

Rainbow Channel