A Bona Fide Killer (2026)
=====================

ညတိုင်း မိသားစုအတွက် ညစာချက်ပေးနေတဲ့ သာမန်မိခင်တစ်ယောက်က တကယ်တော့ ဥပဒေက မဖမ်းဆီးနိုင်ခဲ့တဲ့ ရာဇဝတ်သားတွေကို လျှို့ဝှက်လိုက်လံရှင်းလင်းနေတဲ့ နာမည်ကြီး စနိုက်ပါသမားတစ်ယောက်ဆိုရင် ဘယ်လိုဖြစ်မလဲ?

Yoo Bo Na ဟာ အသက် ၃၀ ကျော် အိမ်ထောင်ရှင်မိခင်တစ်ယောက်ဖြစ်ပြီး ခင်ပွန်းနဲ့ သမီးလေးကို ဂရုစိုက်ရင်း သာမန်ဘဝတစ်ခုကို ဖြတ်သန်းနေသူတစ်ယောက်လို မြင်ရပါတယ်။ ဒါပေမဲ့ သူ့ရဲ့ အေးချမ်းတဲ့ပုံရိပ်နောက်ကွယ်မှာတော့ “Kingfisher” ဆိုတဲ့ နာမည်ကြီး လျှို့ဝှက်ကလဲ့စားချေသူတစ်ယောက် ရှိနေပါတယ်။ သူဟာ ဥပဒေက လွတ်မြောက်သွားတဲ့ ရာဇဝတ်သားတွေကို ကိုယ်တိုင်အရေးယူပေးနေသူဖြစ်ပါတယ်။

ကလေးပြုစုစောင့်ရှောက်ဖို့ သုံးနှစ်နားခဲ့ပြီးနောက် Bo Na ဟာ အန္တရာယ်များတဲ့ သူ့ရဲ့ လျှို့ဝှက်မစ်ရှင်ထဲကို ပြန်လည်ဝင်ရောက်လာခဲ့ပါတယ်။ ဒါပေမဲ့ စုံစမ်းရေးသတင်းထောက်ဖြစ်တဲ့ သူ့ခင်ပွန်း Kwon Tae Seong က သူ့ရဲ့ အမှန်တရားကိုသိဖို့ တဖြည်းဖြည်းနီးကပ်လာသလို၊ စုံထောက် Lee Dong Jin ကလည်း Kingfisher ရဲ့ အထောက်အထားကို အသည်းအသန်လိုက်လံရှာဖွေနေပါတယ်။

မိသားစုကို ကာကွယ်ရမလား၊ တရားမျှတမှုအတွက် ဆက်လက်တိုက်ပွဲဝင်ရမလားဆိုတဲ့ ရွေးချယ်မှုကြားမှာ Bo Na ဟာ ပိတ်မိနေပါတယ်။ သစ္စာရှိတဲ့ မဟာမိတ် Kim Bong Pal ရဲ့ အကူအညီနဲ့ သူဟာ ချစ်ရတဲ့မိသားစုကို ကာကွယ်ရင်း အန္တရာယ်ပြည့်နေတဲ့ လျှို့ဝှက်ကမ္ဘာထဲမှာ ရှင်သန်ဖို့ ကြိုးစား‌နေရပါတော့တယ်။

အမှားတစ်ချက်တည်းက သူ့ရဲ့ လျှို့ဝှက်ဘဝနဲ့ မိသားစုကို တစ်ပြိုင်နက် ဖျက်ဆီးသွားနိုင်တဲ့အခြေအနေမှာ သူ့အနေနဲ့ အမှန်တရား မပေါ်ပေါက်ဘဲ မိသားစုကို ကာကွယ်နိုင်ပါ့မလားဆိုတဲ့ မေးခွန်းနဲ့အတူ အဆုံးထိ စိတ်ဝင်စားစေမယ့် Action Thriller ဇာတ်ကားတစ်ကား ဖြစ်လို့စောင့်မျှော်ကြည့်ရှုလိုက်ရအောင်။

Genre ….. Action, Adventure, Crime, Drama, Mystery
Quality ….. 720P / 1080P WEB-DL (HEVC)
File Size ….. 600MB / 1.2GB
Episode …… 14
Network ….. MBC
Review ….. Verona
Translator ….. RMC K Team
Encoder ….. Ray

Rainbow Channel