Brewing Love (2024)

လူငယ်ပရိသတ်တွေအကြား အကြိုက်တွေ့စေခဲ့တဲ့ Business Proposal နဲ့ Suspicious Partner တို့ရဲ့ပဲ့ကိုင်ရှင်ဒါရိုက်တာကြီးရဲ့ တတိယမြောက်လက်ရာဖြစ်တဲ့ Brewing Love ဆိုတဲ့ အချစ်ဟာသဒရာမာဇတ်လမ်းတွဲသစ်လေးကတော့ ထွက်ရှိလို့လာပါပြီ။

Business Proposal မှာ အတူတူလက်တွဲခဲ့တဲ့ မင်းသမီးချောလေး Kim Se-Jeong နဲ့ Knight Flower၊Bad Memory Eraser တို့မှာပါဝင်ခဲ့တဲ့ မင်းသားချော Lee Jong-Won တို့ကခေါင်းဆောင်ပါဝင်ထားပါတယ်။

Chae Yong-Joo ဆိုတဲ့အမျိုးသမီးလေးဟာ အထူးတပ်ဖွဲ့ဝင်ဟောင်းတစ်ယောက်ဖြစ်တာနဲ့အညီ ရုပ်ပိုင်းဆိုင်ရာရော စိတ်ပိုင်းဆိုင်ရာပါ ကြံ့ခိုင်တဲ့သူတစ်ယောက်ပါ။သူ့ရဲ့စိတ်ခံစားချက်တွေကိုလည်း ဖုံးကွယ်တဲ့နေရာမှာ ထက်မြက်တဲ့သူဖြစ်ပါတယ်။သူဟာယမကာကုမ္ပဏီတစ်ခုမှာ ၆နှစ်ကြာလုပ်ကိုင်ခဲ့ပြီးတော့ အရောင်းဘုရင်ဆိုတဲ့ဘွဲ့ကိုရရှိခဲ့တဲ့အထိ အလုပ်အပေါ်အလေးထားအာရုံစိုက်တဲ့သူလည်းဖြစ်ပါတယ်။

ဒါပေမဲ့ တစ်နေ့မှာသူအလုပ်လုပ်နေတဲ့နေရာက လုပ်ငန်းပိတ်သိမ်းဖို့ဖြစ်လာချိန်မှာတော့ ဘီယာအသစ်ရောင်းဖို့ကြံစည်ပါတော့တယ်။ဒီလိုအချိန် ဘီယာချက်စက်ရုံပိုင်ရှင် Yoon Min-Joo နဲ့တွေ့ရှိခဲ့ပြီးတော့ နှစ်ယောက်အတူတူပူးပေါင်းဆောင်ရွက်ခဲ့ကြပါတယ်။

Yoon Min-Joo ဆိုတာကတော့ အေးဆေးတည်ငြိမ်ပြီး ဆတ်ဆိတ်ထိမခံနိုင်တဲ့လူစားမျိုးဖြစ်ပြီးတော့ တခြားသူတွေရဲ့စိတ်ခံစားချက်ကို သိမြင်လွယ်တဲ့သူပါ။ဒီလိုမျိုးခံစားချက်ကိုဖုံးကွယ်တဲ့နေရာမှာ ထက်မြက်တဲ့သူနဲ့ သူတစ်ပါးခံစားချက်ကို သိမြင်လွယ်တဲ့သူနှစ်ယောက်အကြား ဘယ်လိုမျိုးကြည်နူးဖွယ်အချစ်ဇာတ်လမ်းလေးဖြစ်ပေါ်လာမလဲဆိုတာ ကြည့်ရှုခံစားလိုက်ရအောင်ပါ။
စုစုပေါင်း ၁၂ပိုင်းထွက်ရှိမှာဖြစ်ပါတယ်။

Review By CL
Translated By CL, Choco, Thu Thu
Encoded By N.A.S

================The End==============