Confidence Queen (2025)

မမ Park Min Young ရဲ့ Marry My Husband အပြီး လူလိမ်မမအဖြစ် လှလှပပလေး အပီကြမ်းပြီး အကွက်ရွှေ့မဲ့ ဇာတ်ကားလေး ထွက်ရှိလာပြီမို့ မမသာ လိမ်မယ်ဆိုရင် ခေါင်းမွှေးပါပြောင်ချင်လည်း ပြောင်ပါစေဆိုတဲ့လူတွေ တန်းစီလို့ရပါပြီ။ ဂျပန်ဇာတ်လမ်းတွဲ “The Confidence Man JP” ကို ပြန်လည်ရိုက်ကူးထားတာဖြစ်ပြီး မမ Park Min Young နဲ့အတူ Squid Game S3 ထဲက မျက်နှာဖုံးအဖွဲ့မှူး Park Hee Soon နဲ့ ဝူယောင်းဝူကားထဲက ရှေ့နေဂွမ်မင်ဝူ Joo Jong Hyuk တို့က အဓိကပါဝင်သရုပ်ဆောင်ထားကြပါတယ်။

ယွန်းအီရန်းက IQ 165 ရှိတဲ့ ဉာဏ်ကြီးရှင်မမ ဖြစ်ပြီး ထိပ်တန်း ၁ % ဆိုတဲ့သူတွေထဲ ပါတဲ့သူပါ။ လေးဖက်မြင် အတွေးအမြင်မျိုးနဲ့ ကိုယ့်ကိုယ်ကိုယ်ယုံကြည်ချက်ရှိရှိ ဩဇာတိက္ကမနဲ့ ပြည့်စုံသူလည်း မမှားပေဘူးပေါ့လေ။ ဂျိမ်းစ်ကတော့ ဟာသဉာဏ်ရှိတဲ့ စွယ်စုံရ ဝါရင့် လူလိမ်တစ်ယောက်ဖြစ်ပြီး မြောင်ဂူဟိုကတော့ အသက်အငယ်ဆုံးနဲ့ ဖြောင့်မတ် စင်ကြယ်တဲ့ကာရိုက်တာနဲ့ ချစ်စရာကောင်းသူတစ်ယောက်ပါ။

ဒီလို နောက်ခံမတူတဲ့ သူတို့ ၃ ယောက်စုစည်းပြီး လူလိမ်အဖွဲ့အဖြစ် ဖွဲ့စည်းလိုက်တဲ့အခါမှာတော့ သူတို့နယ်ပယ်ထဲ ယှဉ်ပြိုင်နိုင်သူမရှိတဲ့ တုနှိုင်းမဲ့အဖွဲ့တစ်ဖွဲ့ဖြစ်လာပါတော့တယ်။ ဉာဏ်ကြီးရှင်မမ ယွန်းအီရန်း ဦးဆောင်တဲ့ သူတို့ ၃ ယောက်အဖွဲ့က ဘယ်လို ကတုံးပေါ်ထိပ်ကွက်ပြီး လှလှပပလေး အကွက်ရွှေ့ကာ ဘယ်သူတွေကို လှည့်စား လိမ်လည်ကြမလဲဆိုတာကိုတော့ အပတ်စဉ် စနေ၊ တနင်္ဂနွေနေ့တိုင်း ၁၂ ပိုင်းထွက်ရှိသွားမဲ့ ဒရမ်မာထဲမှာ ရှူစားကြည့်လိုက်ကြပါဦးနော်။

Genre ….. Crime, Comedy
Episode ….. 12
Network ….. Amazon
Quality ….. 720P / 1080P (H264)
Review ….. Bom
Translator ….. Bom, PP, Ame, Lola, PPT
Encoder ….. N.A.S

Rainbow Channel

=============== The End ===============