Human Vapor (2-0-2-6)
=================

“တံခါးတွေ ဘယ်လောက်ပဲ လုံအောင်ပိတ်ထားပါစေ… လေဝင်ပေါက်လေး တစ်ပေါက်ရှိရုံနဲ့ သင့်အသက်ကို နှုတ်ယူသွားမဲ့သူ တစ်ယောက်ရှိနေရင်…”

ကဲ… သည်းထိတ်ရင်ဖို Sci-Fi Thriller ကားကောင်းကောင်း မျှော်နေသူတွေအတွက် နက်ဖုလစ် ကနေ အခုပဲ ပူပူနွေးနွေး ထွက်ရှိလာတဲ့ ဂျပန်စီးရီးအသစ်စက်စက်လေးကို တင်ဆက်ပေးလိုက်ပါပြီ။

ဇာတ်လမ်းကတော့ ရုပ်သံကနေ တိုက်ရိုက်ထုတ်လွှင့်နေတဲ့ Live အစီအစဉ်တစ်ခုမှာ လူတစ်ယောက်ဟာ ရုတ်တရက်ကြီး ခန္ဓာကိုယ်ဖောင်းကားလာပြီး ပေါက်ကွဲသေဆုံးသွားရာကနေ အစပျိုးထားပါတယ်။

တစ်ကမ္ဘာလုံးကို တုန်လှုပ်သွားစေတဲ့ ဒီကြောက်မက်ဖွယ် လူသတ်မှုကြီးရဲ့ တရားခံကတော့ သာမန်လူမဟုတ်ပါဘူး။ သူ့ကိုယ်သူ “Human Vapor” (အငွေ့လူသား) လို့ ခေါ်တဲ့ လူတစ်ယောက်ပါ။ သူက သူ့ရဲ့ ခန္ဓာကိုယ်ကို အခိုးအငွေ့အဖြစ် ပြောင်းလဲနိုင်စွမ်းရှိပြီး ဘယ်လို အတားအဆီး၊ ဘယ်လိုလုံခြုံရေး တံခါးမျိုးကိုမဆို အလွယ်တကူ ထိုးဖောက်ဝင်ရောက်နိုင်သူ ဖြစ်နေတဲ့အခါ…

ဒီလူသတ်သမားရဲ့ အဆိုးဆုံးအချက်က လူတစ်ယောက်ကို မသတ်ခင်မှာ ဘယ်တော့သတ်မယ်ဆိုတာကို ကြိုတင်ကြေညာလေ့ရှိတာပါပဲ။ ရဲတွေ၊ အာဏာပိုင်တွေက သေချာစောင့်ကြပ်ပြီး ဘယ်လောက်ပဲ တားဆီးကာကွယ်ပါစေ သူ့ရဲ့ ကြေညာထားတဲ့အတိုင်း လွတ်လွတ်ကျွတ်ကျွတ် ဝင်ရောက်သတ်ဖြတ်ပြီး အာဏာပိုင်တွေကို လှောင်ပြောင်လေ့ရှိပါတယ်။

ပုံသဏ္ဌာန်မရှိတဲ့ ဒီအငွေ့လူသားက တကယ်တော့ ဘယ်သူလဲ။ ဘာရည်ရွယ်ချက်နဲ့ ဒီလို ရက်စက်တဲ့ လူသတ်မှုတွေကို ဆက်တိုက်ကျူးလွန်နေတာလဲ။ မျက်စိနဲ့တောင် သေချာမမြင်ရတဲ့၊ ဖမ်းဆုပ်လို့မရနိုင်တဲ့ ဒီလူသတ်သမားကို အာဏာပိုင်တွေကရော ဘယ်လိုနည်းလမ်းတွေနဲ့ ဖမ်းဆီးမလဲဆိုတာ…

ရဲတွေနဲ့ လျှို့ဝှက်ဆန်းကြယ် လူသတ်သမားကြားက “Cat & Mouse” ကစားပွဲကို ရင်တမမနဲ့ ကြည့်ရှုရမယ့် ဇာတ်လမ်းမျိုးဖြစ်ပြီး ဂျပန် Thriller တွေရဲ့ ထုံးစံအတိုင်း မထင်မှတ်ထားတဲ့ အလှည့်အပြောင်း Plot Twists တွေနဲ့ လူ့အဖွဲ့အစည်းရဲ့ အမှောင်ခြမ်းတွေကိုပါ ထိထိမိမိ ရိုက်ပြသွားမှာပါ။

နာမည်ကြီး ဂျပန်သရုပ်ဆောင်တွေ ကိုယ်တိုင် ပါဝင်အားဖြည့်ထားပြီး Acting ပိုင်းရော, CGI ပိုင်းပါ သေသပ်လှတဲ့ ဒီစီးရီးလေးက အပိုင်း (၈) ပိုင်းတည်းသာ ပါဝင်တာမို့ ဒီတစ်ပတ် Weekend မှာ Binge-watch လုပ်ဖို့ အကောင်းဆုံး Choice တစ်ခုအနေနဲ့ ညွှန်းဆိုပေးလိုက်ပါတယ်ခင်ဗျာ။

Genre ….. Crime, Sci-Fi, Fantasy
Quality ….. 720P / 1080P WEB-DL (HEVC)
File Size ….. 400MB / 800MB
Episode ….. 8
Network ….. Netflix
Review ….. Venus
Translator ….. RMC Team
Encoder ….. Ray

Rainbow Channel