Hijack 1971 (2024)

ပရိသတ်ကြီးအတွက် ဖြစ်ရပ်မှန်ဇာတ်လမ်းကိုအခြေခံပြီးရိုက်ကူးထားတဲ့ Hijack 1971 နဲ့မိတ်ဆက်ပေးချင်ပါတယ်။ဒီဇာတ်ကားလေးက ၁၉၇၁ ခုနှစ်မှာဖြစ်ခဲ့တဲ့ လေယာဉ်ပြန်ပေးဆွဲမှုအကြောင်း သမိုင်းဖြစ်ရပ်မှန်ဇာတ်လမ်းလေးပါ။

လေယာဉ်ဆိုတာ တစ်နိုင်ငံနဲ့တစ်နိုင်ငံသွားလာဝင်ထွက်ဖို့ ခွင့်ပြုချက်လိုအပ်ပါတယ်။ခွင့်ပြုချက်မရဘဲ ဝင်မယ်ဆိုရင် ချက်ချင်းဆိုသလို တစ်ဖက်နိုင်ငံကလေတပ်ရဲ့ပစ်ချမှုကိုခံရမှာပါ။ဒီလိုပဲ တောင်ကိုရီးယားနဲ့မြောက်ကိုရီးယားစစ်တပ်ဆိုတာ တစ်ဖက်ဖက်က ခွင့်ပြုချက်မရဘဲဝင်လာတာမှန်သမျှ ချက်ချင်းဆိုသလိုပစ်ခတ်ရှင်းလင်းဖို့အထိ အခြေအနေတင်းမာတဲ့နိုင်ငံနှစ်ခုပါ။ဒီလိုအခြေအနေမျိုးမှာ တောင်ကိုရီးယားရဲ့ခရီးသည်တင်လေယာဉ်တစ်စီးပေါ်မှာ ပြန်ပေးဆွဲသမားတစ်ယောက်ရဲ့ခြိမ်းခြောက်မှုနဲ့ မြောက်ကိုရီးယားကိုဦးတည်သွားပါတော့တယ်။ချက်ချင်းဆိုသလို တောင်ကိုရီးယားလေတပ်ကလည်း လေယာဉ်ကိုပြန်လှည့်ဖို့ အမိန့်ပေးပေမယ့် မလိုက်နာရင် ပစ်ချဖို့အထိပါ ခွင့်ပြုပေးထားတာပါ။တောင်ပိုင်းကိုပြန်လှည့်ရင်လည်း ပြန်ပေးဆွဲသမားက ခရီးသည်တွေရဲ့အသက်ကိုရန်ရှာမှာဖြစ်သလို မြောက်ပိုင်းကိုဆက်သွားရင်လည်း လေတပ်ရဲ့ပစ်ချမှုကိုခံရမယ့်အရေးနဲ့ကြုံလာရချိန်မှာတော့ အားလုံးရဲ့အသက်ကိုကိုင်ထားတဲ့ လေယာဉ်မှူးတစ်ယောက်ရဲ့ ဆုံးဖြတ်ချက်က ဘယ်လိုဖြစ်သွားမလဲဆိုတာ ရင်တထိတ်ထိတ်နဲ့ကြည့်ရှုခံစားရမှာဖြစ်ပါတယ်။

ပါဝင်သရုပ်ဆောင်ထားတဲ့သူတွေကလည်း နာမည်ကြီးမင်းသား Ha Jung-Woo,Yeo Jin-Goo,Sung Dong-Il တို့အပြင် မင်းသမီးချောလေး Chae Soo-Bin ကလည်း လေယာဉ်မယ်နေရာကနေ ပါဝင်အားဖြည့်ထားပါတယ်။

IMDB 7.1 အထိရရှိထားတဲ့ သမိုင်းဇာတ်ကားလေးမလို့ လက်မလွတ်တမ်းကြည့်ရှုဖို့ တိုက်တွန်းချင်ပါတယ်။

Translated and Review by CL
Encoded By N.A.S

969 total views , 1 views today