
Hunt (2022)
သည်းထိတ်ရင်ဖိုအက်ရှင်အမျိုးအစားကိုမှ နိုင်ငံရေးဇာတ်လမ်းဇာတ်ကွက်နဲ့ ကြည့်ချင်ကြတဲ့ ပရိသတ်ကြီးအတွက် Hunt (2022) ဆိုတဲ့ကိုရီးယားရုပ်ရှင်ကားလေးနဲ့မိတ်ဆက်ပေးချင်ပါတယ်။
ဒီကားလေးက ၂၀၀၂ ခုနှစ်ရဲ့ တတိယမြောက်ဝင်ငွေအကောင်းဆုံး ရုံတင်ဇာတ်ကားဖြစ်ခဲ့သလို ဆုတံဆိပ်ပေါင်းများစွာလည်းရရှိခဲ့တဲ့ ဇာတ်ကားလေးတစ်ခုဖြစ်လို့ လက်မလွှတ်တမ်းစောင့်ကြည့်လိုက်ပါဦးနော်။
ဇာတ်လမ်းလေးက ၁၉၈၀ ခုနှစ်ဝန်းကျင်မှာ ဖြစ်ပွားခဲ့တဲ့ အဓိကသမိုင်းဖြစ်ရပ်ကြီးသုံးခုဖြစ်တဲ့ ဂွမ်ဂျူဒီမိုကရေစီအရေးတော်ပုံ၊မြောက်ကိုရီးယားလေယာဉ်မှူး တောင်ကိုရီးယားထဲရောက်ရှိခဲ့မှုနဲ့ မြန်မာနိုင်ငံကိုအလည်အပတ်ရောက်လာတဲ့ တောင်ကိုရီးယားသမ္မတကို လုပ်ကြံတဲ့ အာဇာနည်ကုန်း ဗုံးပေါက်ကွဲမှုဖြစ်ရပ်တွေကို နောက်ခံထားပြီးရိုက်ကူးထားတာဖြစ်ပါတယ်။ဘတ်ဖြောင်းဟိုဆိုတဲ့ နိုင်ငံခြားရေးရာစုံစမ်းစစ်ဆေးရေးအဖွဲ့နဲ့ ပြည်ထဲရေးဌာနက ညွှန်ကြားရေးမှူး ဂင်ဂျောင်ဒိုတို့နှစ်ယောက်ဟာ မြောက်ကိုရီးယားသူလျှိုတစ်ယောက်ကို ဖော်ထုတ်ဖို့ တာဝန်ပေးခံလိုက်ရပါတယ်။ဒါပေမဲ့ သူလျှိုကိုမဖော်ထုတ်နိုင်ဘဲ တစ်ဖက်နဲ့တစ်ဖက် သူလျှိုအဖြစ်သံသယဖြစ်လာတဲ့အချိန် သူလျှိုရဲ့အစီအစဉ်ကလည်း သမ္မတကိုလုပ်ကြံဖို့ဖော်ထုတ်မိသွားပါတယ်။ဒီလိုနဲ့ သံသယအကြီးအကျယ်ကြီးထွားလာချိန်မှာတော့ တကယ်ပဲ သမ္မတရဲ့အသက်ကိုကာကွယ်နိုင်မလား၊သူလျှိုကိုရောဖော်ထုတ်နိုင်မလားဆိုတာ စောင့်ကြည့်ရမှာဖြစ်ပါတယ်။
Squid Game ကားထဲက မင်းသား Lee Jung-Jae၊12.12: The Day ဇာတ်ကားထဲက မင်းသား Jung Woo-Sung အပြင် Moving ဇာတ်လမ်းတွဲထဲက မင်းသမီးချောလေး Go Youn-Jung တို့ပါဝင်အားဖြည့်ထားပါတယ်။IMDB 6.7 ထိရရှိထားတဲ့ကားကောင်းလေးတစ်ခုဖြစ်ပါတယ်။
Review and Translated By CL
Encoded By N.A.S