Lal Salaam (2024) Tamil

IMDB Rating 4.5/10

၂၀၂၄ ကထွက်ရှိခဲ့တဲ့တမီးလ်ကားလေးကိုတော့တင်ဆက်ပေးလိုက်ပါတယ်။ ဒီကားလေးကတော့စည်းလုံးခြင်းနဲ့ချစ်ခြင်းမေတ္တာတရားဟာ လူသားတွေအားလုံးမှာရှိသင့်တဲ့အကြောင်းရိုက်ကူးပြထားတယ်ပြောရပါမယ်။ အမုန်းတရားတွေနဲ့စစ်မက်တဲ့များတဲ့အခုလိုအချိန်မှာ ဒီကားလေးကိုကြည့်ပြီးတာနဲ့ လူသားတွေအချင်းချင်းစည်းလုံးအောင်နေရမယ်ဆိုတဲ့အတွေးလေးတော့ဝင်သွားမိမှာပါ။

ဇာတ်လမ်းကိုပြောပြရရင် မူရာဘတ်လို့ခေါ်တဲ့ရွာလေးရှိတယ်။ အဲဒီရွာမှာထူးခြားချက်ရှိတယ် ။ ဘာထူးခြားတာလဲဆိုတော့ ရွာကတော့တစ်ရွာပဲ ဒါပေမဲ့ ဘာသာမတူတဲ့လူနှစ်စုနေထိုင်နေကြတာ။ ဟိန္ဒူနဲ့မွတ်စဆင်လူမျိုးတွေ အားလုံးဟာအိန္ဒိယနိုင်ငံသွားတွေဖြစ်ပေမဲ့ ဒီဘာသာရေးကွဲခြားမှုတွေကြောင့် ဒီရွာမှာအပြိုင်အဆိုင်တွေများတယ်။ သူတို့ရွာမှာနှစ်တိုင်းကျင်းပတဲ့ခရစ်ကတ်ပွဲလေးရှိတယ်။ အဲဒီပွဲကသာမာန်ကစားပွဲမဟုတ်ဘူး။ ပြိုင်ဆိုင်မှုပြင်းထန်တဲ့လူမျိုးစုနှစ်စုအတွက်တော့ စစ်မြေပြင်အလားပဲ။ ခရစ်ကတ်ကစားတာအဓိကပွဲဖြစ်သလို ဒီကစားသမားတွေထဲမှာ အဓိကပြိုင်ဆိုင်ကြတဲ့နှစ်ယောက်ကလည်း သီရူလို့ခေါ်တဲ့ဟိန္ဒူဘာသာဝင်ကောင်လေးနဲ့ ဆမ်ဆူလို့ခေါ်တဲ့မွတ်စလင်ဘာသာဝင်ကောင်လေးတို့က မတူတဲ့အသင်းမှာနေပြီးတော့ပြိုင်ဆိုင်ကြတယ်။

သီရူတို့အဖွဲ့က ဆမ်ဆူတို့ရဲ့ခရစ်ကတ်အသင်းကိုအမြဲလိုလိုအနိုင်ရနေခဲ့တာကြောင့် ဆမ်ဆူတို့အသင်းကရင်ထဲမှာအမုန်းမီးတောက်နေပါပြီ။ ဒါကိုအခွင့်ကောင်းယူတဲ့သူကတော့ ထုံးစံအတိုင်းရွေးကောက်ပွဲဝင်ကြမယ့် ကော်လံဖြူလူတစ်စုပါ။ ဘာကြောင့်အခွင့်ကောင်းယူသလဲဆိုတော့ ဒီနယ်မြေမှာသူတို့တွေမဲကိုမနိုင်နိုင်လို့ပါ။ အဲဒါကြောင့်ခရစ်ကတ်ပွဲကိုရန်ပွဲအဖြစ်ပြောင်းလဲပြီး အမှုတွေကြီးရွာတွေပျက်အောင်လုပ်ပါတော့တယ်။

ဒီလိုအဖြစ်အပျက်တွေကြားမှာ တစ်ခါကစည်းရုံးအောင်လုပ်ပေးခဲ့တဲ့ အစ်ကိုကြီးမိုဒင်ဆိုတဲ့ ဆမ်ဆူရဲ့အဖေက အရင်လိုမျိုးဘာသာတွေခြားလည်း စည်းလုံးအောင် ဘယ်လိုဆောင်ရွက်မလဲ။ ချတဲ့ဆုံးဖြတ်ချက်တွေကမှန်မလားဆိုတာကို ဇာတ်ရှိန်မပျက်စောင့်ကြည့်ရမှာပဲဖြစ်ပါတယ်။

ထုံးစံအတိုင်း တမီးလ်ကားတွေဆို သိပ်မကြိုက်ကြတာကြောင့်မကြည့်တဲ့သူအများစုက Ratingပေးလို့ဒီကားက IMDB Ratingနည်းနေပေမဲ့ အိန္ဒိယမှာတော့အတော်အောင်မြင်ခဲ့တဲ့ကားလေးပဲဖြစ်ပါတယ်။

Genre ….. Drama, Action
Quality ….. 720P / 1080P WEB-DL 5.1 (HEVC)
Review ….. Kyaw Zin
Translator ….. Kyaw Zin, Ban Ban, Willie, Snow
Encoder ….. N.A.S

Rainbow Channel

592 total views , 1 views today