Manamey (2024)

IMDB – 6.1/10

ပေးရတဲ့အချိန် ၂ နာရီခွဲနဲ့ တကယ်ကို ထိုက်တန်တဲ့ကားကောင်းလေး တစ်ကားလာပါပြီ။

ဘုရား တရား သံဃာ မိဘ ဆရာ ဆိုတဲ့စကားအတိုင်း
ဘုရားနဲ့တစ်ဂိုဏ်းတည်းထားရတဲ့ မိဘမေတ္တာအကြောင်းကို ပုံဖော်ရိုက်ကူးထားတဲ့ကားလေးပဲဖြစ်ပါတယ်။

အိန္ဒိယားတွေထုံးစံလို ချတဲ့အခန်းတွေမပါပေမဲ့လည်း တကယ်ကို ကြည့်ရတာ ထိုက်တန်မယ့်ကားကောင်းလေးပါပဲ။

မိဘမေတ္တာကိုနားမလည်တဲ့ ဗစ်ခရမ်ဆိုတဲ့သားမိုက်တစ်ယောက်
လန်ဒန်မှာ သောက်စားပျော်ပါးပြီး မိဘတွေကို ဖုန်းမဆက် ဖုန်းဆက်လည်း မကိုင်နဲ့
ဆိုးသွမ်းနေတဲ့လူငယ်လေးတစ်ယောက်ပေါ့။
သူ့ဆီမှာ အခင်ရဆုံးသူငယ်ချင်းတစ်ယောက်တော့ရှိပြီး တစ်ရက်မှာ သူ့သူငယ်ချင်းကလည်း မတော်တဆမှုနဲ့ ဆုံးပါးသွားပါတော့တယ်။

ဖြစ်ချင်တော့ သူ့သားမှာ ၂ နှစ်အရွယ်သားလေးရှိနေတာကို မတော်တဆဖြစ်မှသိလိုက်ပြီး သူမှမစောင့်ရှောက်ရင်
သူငယ်ချင်းဖြစ်သူရဲ့သားလေး ခူရှီဟာ အင်္ဂလန်ဥပဒေအရ မိဘမဲ့ဂေဟာရောက်တော့မှာပါ။

အဲဒီလိုနဲ့ ကလေးကို ၆ လ ကြာ ထိန်းသိမ်းပေးဖို့ဖြစ်လာပြီး မိဘတွေအပေါ် အမြဲဆိုးသွမ်းပြီး နေချင်သလိုနေလာခဲ့တဲ့သူတစ်ယောက်
ကလေးတစ်ယောက်ကို စောင့်ရှောက်ပေးပြီး မိဘမေတ္တာဆိုတာကို သူဘယ်လိုမျိုးနားလည်သွားမလဲဆိုတာ ကြည်နူးဖွယ်ရိုက်ကူးထားတဲ့ကားကောင်းလေးဖြစ်ပါတယ်။

Review By Justin
Translated By Eugene, Justin, Berry, U
Encoded By N.A.S

Rainbow Channel