Moana 2 (2024)

IMDB Rating: 7.0/10
Quality: 720P / 1080P / 4K 2160P HEVC

ငါတို့တွေသာ အတူတူရှိနေရင် ဟိုးမိုးကုတ်စက်ဝိုင်းအဆုံးထိ ရွက်ကုန်လွှင့်လို့ရတယ်။ ကိုယ်ဘာပဲလုပ်လုပ် ဆိုးတူကောင်းဖက်ဝိုင်းဝန်းပေးကြတဲ့ သူငယ်ချင်းတွေ ရှိနေခြင်းဟာလည်း လောကကြီးကပေးတဲ့ ဆုလာဘ်တစ်ခုပဲ မဟုတ်ပါလား။ တစ်ယောက်ထဲအင်အားနဲ့ ရုန်းကန်လို့မရနိုင်တဲ့ ပြဿနာတွေကို မိတ်ဆွေသူငယ်ချင်းတွေနဲ့ စုပေါင်းအဖြေရှာလိုက်ရင် အောင်မြင်နိုင်တယ်လို့လည်း ပြောကြပါတယ်။

ဒီတစ်ခါမှာလဲ Walt Disney ရဲ့ လက်ရာကောင်းတစ်ခုဖြစ်တဲ့ Moana 2 က ပရိသတ်ရှေ့ကို ရောက်လာခဲ့ပါပြီ။ သတ္တိခဲမလေး မိုအားနားတစ်ယောက် ရွာကိုပြန်ရောက်လာပြီးတဲ့နောက် မြေအိုးပေါ်မှာဆွဲထားတဲ့ ပန်းချီလက်ရာတစ်ခုကို တွေ့ခဲ့ပါတယ်။ သူတို့ရွာမှာ ဒီလိုအနုစိတ်ပန်းချီလက်ရာမျိုး မမြင်ဖူးတဲ့အတွက် ဒီလက်ရာဟာ အနီးနားရွာတစ်ရွာက လက်ရာဖြစ်မယ်လို့ ခန့်မှန်းခဲ့ပါတယ်။ ဒါပေမယ့် သူတို့ရွာလေးက တစ်ရွာထဲ ထီးတည်းဖြစ်နေတဲ့ အပြင် မျက်စိတစ်ဆုံး ပင်လယ်ပြာပြာ တိမ်ပြာပြာတွေပဲ ရှိနေတဲ့အတွက် ဒီအနုပညာလက်ရာလေးဟာ မိုအားနားအတွက် ပဟေဠိ ဖြစ်နေခဲ့ပါတယ်။

ဒါပေမယ့် တစ်နေ့မှာတော့ မိုအားနားလေးဆီကို ပိုလီနီးရှန်းဘိုးဘေးတွေက မိုတူဖယ်တူ ဆိုတဲ့ ကျိန်စာသင့် ကျွန်းအကြောင်း အိပ်မက်လာပေးပါတယ်။ အဲဒီလိုနဲ့ ပင်လယ်ပျော် ပိုလီနီးရှန်းကျွန်းသူကျွန်းသားတွေအတွက် ဒဏ္ဍာရီတစ်ခုလိုဖြစ်နေတဲ့ မိုတူဖယ်တူကျွန်းကိုရှာဖို့တာဝန်ဟာ မိုအားနားဆီကို ရောက်ရှိလာပါတယ်။

အဲဒီအချိန်မှာ မိုအားနားရဲ့ ရောင်းရင်းကြီး မာဝီကရော ဘယ်သောင်ဘယ်ကမ်းမှာ ရောက်နေမလဲ……အရေးကြီးရင် သွေးနီးကြဖို့အတွက် ပိုလီနီးရှန်းကျွန်းသူကျွန်းသားတွေ အားလုံးကရော ကျိန်စာသင့်ကျွန်းကနေ ဘယ်လိုပြန်ပြီး ပေါင်းစည်းကြမလဲ……. မိုအားနားတစ်ယောက်ထဲ လောင်လှေကလေးလှော်ပြီး ဘယ်နေရာမှန်းမသိတဲ့ ကျွန်းကိုရှာဖို့ အားမွေးပြီး သွားဖို့လုပ်တုန်း သူငယ်ချင်းတစ်သိုက်ကပါ အတူလိုက်ခဲ့မယ်လို့ပြောတဲ့အခါ……. အရေးကြုံလာတဲ့အချိန် တကယ့်စစ်မှန်တဲ့ သူငယ်ချင်းကောင်းတွေရှိခြင်းဟာ ဘယ်လောက်အထိအရေးပါလဲ ဆိုတာကို သိမ်သိမ်မွေ့မွေ့လေး ရိုက်ကူးပြထားတဲ့ ဇာတ်လမ်းလေးမို့ ကားတွန်းကားကြိုက်သူ ပရိသတ်များအတွက် သေချာပေါက်ကြည့်သင့်တဲ့ ဇာတ်လမ်းလေးဖြစ်ကြောင်း ညွှန်းလိုက်ပါရစေ။

Review By Htet Shweyi
Translated By Htet Shweyi, Bella, Kyaw Zin
Encoded By N.A.S

Rainbow Channel

506 total views , 1 views today