The Negotiation (2018)

ပရိသတ်ကြီးအတွက် ဒီတစ်ခေါက်တင်ဆက်ပေးချင်တဲ့ကားလေးက The Negotiation ဆိုတဲ့ ရာဇဝတ်မှုခင်းကားလေးပဲဖြစ်ပါတယ်။ဒီဇာတ်ကားလေးမှာတော့ မြောက်ကိုရီးယားဗိုလ်ကြီးလို့သိကြတဲ့ မင်းသား Hyun-Bin နဲ့ ချစ်ဇနီးချောလေး မင်းသမီး Son Ye-Jin တို့က အတူတူပါဝင်သရုပ်ဆောင်ထားတာပါ။

Ha Chae-Yoon ဆိုတာ ဆိုးလ်ရဲဌာနမှာ အကြမ်းဖက်ညှိနှိုင်းရေးမှူးအဖြစ် တာဝန်ယူလုပ်ကိုင်နေတဲ့သူပါ။သူဟာ စိတ်တည်တည်ငြိမ်ငြိမ်နဲ့ ခေါင်းအေးအေးထားပြီးတော့ ရာဇဝတ်မှုကျူးလွန်သူတွေနဲ့ ညှိနှိုင်းတဲ့နေရာမှာ ထူးချွန်ထက်မြက်တဲ့သူလည်းဖြစ်ပါတယ်။Min Tae-Gu က နိုင်ငံတကာ ရာဇ၀တ်မှုအဖွဲ့အစည်းတစ်ခုအတွက် လက်နက်မှောင်ခိုသမားဖြစ်ပြီးတော့ ဓားစာခံတွေကိုဖမ်းဆီးခဲ့ပါတယ်။

ဒီလိုနဲ့ Ha Chae-Yoon တစ်ယောက် လက်နက်မှောင်ခိုပြန်ပေးသမား Min Tae-Gu နဲ့ ဓားစာခံတွေကို ကယ်တင်ဖို့ ညှိနှိုင်းရင်း ပြန်ပေးသမားရဲ့ရည်ရွယ်ချက်နဲ့ တည်နေရာကိုပါ ရှာဖွေဖော်ထုတ်ဖို့ အချိန် ၂၁ နာရီအတွင်း ဘယ်လိုမျိုးရင်ဆိုင်ဖြေရှင်းမလဲဆိုတာကတော့ ပရိသတ်ကြီးအနေနဲ့ ရင်တထိတ်ထိတ်ကြည့်ရှုခံစားရမှာဖြစ်ပါတယ်။

IMDB 6.7 အထိရရှိထားသလို ဝါရင့်သရုပ်ဆောင်နှစ်ယောက်ရဲ့ ပြောင်မြောက်လှတဲ့သရုပ်ဆောင်ချက်တွေကြောင့် ပရိသတ်ကြီးအကြိုက်တွေ့စေမယ့်ဇာတ်ကားလေးပဲဖြစ်ပါတယ်။

Review and Translated By CL
Encoded By N.A.S