Ronth (2025)

ရဲဆိုတာဘာလဲ။ ရုပ်ရှင်တွေထဲကလို အမှုမှန်သမျှအကုန်ဖြေရှင်းနိုင်တဲ့ မကောင်းသူပယ် ကောင်းသူကယ်တဲ့ ပြည်သူကြားက သူရဲကောင်းတွေလား။

ဒါမှမဟုတ် သူလိုကိုယ်လို ရုန်းကန်နေရတဲ့ အစိုးရဝန်ထမ်း သာမန်လူတစ်ယောက်လား။

ရဲဆိုတဲ့လူက ဘာကြီးပဲဖြစ်နေပါစေ။ ရိုးသားသူတိုင်း ရိုးဂုဏ်နဲ့အောင်မြင်မှုရမယ်ဆိုတာကတော့ စာအုပ်ထဲမှာပဲရှိပြီးတော့ လက်တွေ့ဘဝက ရိုးသားသူတိုင်း ရုန်းကန်ရတာချည်းပါပဲ။

ပြီးတော့ တရားမျှတမှုဆိုတဲ့အရာကလည်း ပေါင်ချိန်ဇာတ်ကားထဲကလောက်မရိုးရှင်းသလို ရာဇဝတ်သားတွေရဲ့မုဆိုးဖြစ်တဲ့ရဲဆိုတာလည်း အချိန်မရွေး သားကောင်ဘဝရောက်သွားနိုင်ပါတယ်။

အခုတင်ဆက်ပေးမဲ့ဇာတ်ကားလေးကတော့ အပေါ်ကအချက်တွေအားလုံးကို ခပ်ပါးပါးလေးထည့်ပေးထားတဲ့ လက်တွေ့ဆန်ဆန်ရဲစုံထောက်ဇာတ်လမ်းလေးပေါ့ဗျာ။

ရဲအရာရှိပေါက်စဒင်းနက်တစ်ယောက် ဒုရဲအုပ် ရိုဟန်နန်နဲ့ နိုက်ဂျူတီဆင်းပြီး ကင်းလှည့်ဖို့တာဝန်ပေးခံရပါတယ်။

ရဲပေါက်စပီပီ ဒင်းနက်က အထာမနပ်သေးတော့ ၂၅ နှစ်အတွေ့အကြုံရှိပြီး အထာနပ်နေတဲ့ ရိုဟန်နန်နဲ့ တစ်လမ်းလုံး ကတောက်ကဆဖြစ်လာတာပေါ့။

ဒီလိုနဲ့ သူတို့ကင်းလှည့်နေတုန်းမှာ ကြုံလိုက်ရတဲ့အဖြစ်အပျက်တစ်ခုကြောင့် ဒင်းနက်က ရိုဟန်နန်ကို စိတ်ထဲကကြိတ်ပြီး အထင်သေးသွားပါတယ်။ အဲဒါကတော့ မူးပြီးကားတိုက်ထားတဲ့သူတွေဆီကနေ ရိုဟန်နန်က ၁၀၀၀၀ ဘုံးလိုက်လို့ပါ။

ဒါပေမဲ့ အဲဒီရူပီး ၁၀၀၀၀ ကိုအရင်းတည်ပြီး သူတို့နှစ်ယောက်လုံး ကံဆိုးဖို့ဖြစ်လာချိန်မှာတော့…

Genre ….. Drama, Crime
Quality ….. 720P / 1080P WEB-DL 5.1 (HEVC)
Review ….. Venus
Translator ….. Venus, LL, Nyein Su
Encoder ….. N.A.S

Rainbow Channel