E_n-o_l-a H-o_l-m_e-s 3 (2-0-2-6)
===========================

IMDB ⭐️ 5.8/10

“လက်ထပ်ပွဲကို ရွေးမလား… ပျောက်ဆုံးသွားတဲ့ အစ်ကိုဖြစ်သူကို အရင်သွားကယ်မလား…”

ကဲ… Mystery / Detective ဇာတ်လမ်းကောင်းကောင်းလေးတွေမှ ကြိုက်ပါတယ်ဆိုတဲ့ ပရိသတ်ကြီးအတွက် အချစ်တော်လေး Millie Bobby Brown ရဲ့ “Enola Holmes” Series ရဲ့ တတိယမြောက် ဇာတ်ကားသစ်ကြီး Netflix ကနေ ပူပူနွေးနွေး ထွက်ရှိလာပါပြီ။

ရှေ့ကားတွေကို အကျဉ်းချုံးလေး ပြန်ပြောရမယ်ဆိုရင်တော့…

Part 1 နဲ့ 2 မှာ အစ်ကိုဖြစ်သူ Sherlock Holmes အရိပ်အောက်ကနေ ရုန်းထွက်ပြီး ကိုယ်ပိုင် စုံထောက်အေဂျင်စီတစ်ခု တည်ထောင်နိုင်ခဲ့တဲ့ အီနိုလာလေးရဲ့ အစွမ်းအစတွေကို မြင်တွေ့ခဲ့ရပါတယ်။

ဒါ့အပြင် ဒုတိယကားအဆုံးမှာ Sherlock နဲ့ Dr. Watson တို့ ဆုံတွေ့ခဲ့သလို၊ ဗီလိန်ကြီး မိုရီယာတီ အကြောင်းကိုပါ သဲလွန်စပေးသွားခဲ့တာကို မှတ်မိကြဦးမှာပါ။

အခု Part 3 မှာတော့…ကျွန်တော်တို့ရဲ့ ကောင်မလေး အီနိုလာတစ်ယောက် အရွယ်ရောက်လာပြီမို့ ချစ်သူကောင်လေး လော့ဒ် တျူးစ်ဘူရီနဲ့ မော်လ်တာကျွန်းမှာ မင်္ဂလာပွဲဆင်နွှဲဖို့ ပြင်ဆင်နေတဲ့ အချိန်ပေါ့။

မျိုးရိုးမြင့် ဂုဏ်သရေရှိမိန်းမပျိုလေးတစ်ယောက်အနေနဲ့ အိမ်ထောင်ပြုပြီး အေးအေးဆေးဆေး နေရတော့မယ်လို့ ထင်နေတုန်း…

မင်္ဂလာဆောင်မယ့် မနက်ခင်းမှာတင် မထင်မှတ်ထားတဲ့ သတင်းဆိုးကြီးတစ်ခု ဝင်လာပါတော့တယ်။ အဲဒါကတော့ သူ့ရဲ့အစ်ကို နာမည်ကျော်စုံထောက်ကြီး ရှာလော့ခ်ဟုမ်းတစ်ယောက် ဟိုတယ်ခန်းထဲကနေ လျှို့ဝှက်ဆန်းကြယ်စွာနဲ့ ပြန်ပေးဆွဲခံလိုက်ရတာပါပဲ။

ဒီလိုနဲ့ အီနိုလာ တစ်ယောက် မင်္ဂလာဝတ်စုံကို ချွတ်၊ ချစ်သူကောင်လေး တျူးစ်ဘူရီရယ်၊ အစ်ကို့ရဲ့ ပါတနာ Dr. Watson တို့နဲ့အတူ အစ်ကိုဖြစ်သူနဲ့ မီးလောင်မှုထဲ ပျောက်သွားတဲ့ ယောက္ခမလောင်းကိုပါ ကယ်တင်ဖို့ အန္တရာယ်များတဲ့ စုံထောက်ခရီးစဉ်ကို စတင်ရပါတော့တယ်။

ရှာလော့ခ်လို ဉာဏ်ကြီးရှင်ကိုတောင် အစအနဖျောက်နိုင်တဲ့ ရန်သူက ဘယ်သူလဲ။ အမြဲတမ်း ပဟေဠိဆန်တဲ့ မိခင်ကြီး Eudoria ကရော ဘယ်လို အကူအညီတွေ ဝင်ပေးမလဲ။

အီနိုလာတစ်ယောက် အချစ်ရေးနဲ့ မိသားစုကြားမှာ ဘယ်လိုတွေ ဗျာများမလဲ။ အရင်ကားတွေထက် ပိုပြီး Dark ဖြစ်လာသလို၊ Action ခန်းတွေ ပိုမိုက်လာတဲ့ ဒီအပိုင်းသစ်မှာ ပဟေဠိတွေကို ဘယ်လိုဖော်ထုတ်သွားမလဲဆိုတာ ရင်တမမနဲ့ ကြည့်ရှုရမှာပါ။

Cast တွေကတော့ Millie Bobby Brown, Henry Cavill, Helena Bonham Carter တို့အပြင် Louis Partridge နဲ့ Himesh Patel တို့ကပါ ပြန်လည်ပါဝင်လာတာမို့ Mystery ဆန်ဆန် စွန့်စားခန်းတွေကို လိုက်ပါစီးမျောချင်တဲ့ သူတွေအတွက်တော့ လုံးဝ လက်မလွှတ်သင့်တဲ့ ဇာတ်ကားကောင်းတစ်ကားဖြစ်ကြောင်း ညွှန်းဆိုလိုက်ပါရစေ။

Genre ….. Adventure, Crime, Mystery
Quality ….. 720P / 1080P WEB-DL (HEVC)
File Size ….. 921.41MB / 1.94GB
Review ….. Venus
Translator ….. Venus
Encoder ….. Ray

Rainbow Channel