An Enemy Within (2-0-2-6)

IMDB ⭐️ 4.5/10

“မင်္ဂလာဦးညမှာ ယောက္ခမကို သတ်မလား၊ ကိုယ်ချစ်ရတဲ့ သတို့သမီး အသတ်ခံရတာကို ထိုင်ကြည့်နေမလား”

မင်္ဂလာပွဲဆိုတာ လူတစ်ယောက်ရဲ့ဘဝမှာ အပျော်ဆုံးနေ့တစ်နေ့ပါ။ ဒါပေမဲ့ ကိုယ့်ရဲ့မင်္ဂလာဦးညဟာ သွေးစွန်းတဲ့ ညတစ်ညဖြစ်လာမယ်ဆိုရင်ရော…

Narnia ဇာတ်ကားတွေထဲက ပီတာလို့ ပြောလိုက်ရင် အားလုံးသိကြမယ့် ပရိသတ်အချစ်တော် မင်းသားချော William Moseley ခေါင်းဆောင်ပါဝင်ထားတဲ့ အသစ်စက်စက် Action Thriller ကားကြမ်းကြမ်းလေးတစ်ကားကို ဘော်ဒါတို့အတွက် ခုပဲ တင်ဆက်ပေးလိုက်ပါပြီ။

ဇာတ်လမ်းကတော့ ကေလက်ဘ်ဆိုတဲ့ လူငယ်လေးဟာ ချမ်းသာပြီး အာဏာရှိတဲ့ မိသားစုတစ်ခုက ကောင်မလေး ဂျူလီယာနဲ့ လက်ထပ်လိုက်ပါတယ်။ ဇိမ်ခံဟိုတယ်ကြီးတစ်ခုမှာ မင်္ဂလာဧည့်ခံပွဲကို အကြီးအကျယ်ကျင်းပနေတုန်းမှာပဲ ကေလက်ဘ်ရဲ့ အိတ်ကပ်ထဲကို ဂြိုဟ်တုဖုန်းတစ်လုံး ရောက်လာပါတယ်။

အဲဒီဖုန်းထဲကနေ “ဝံပုလွေ” လို့ခေါ်တဲ့ ကြေးစားလူသတ်သမားတစ်ယောက်က ဆက်လာပြီး “ညသန်းခေါင်မတိုင်ခင် မင်းရဲ့ ယောက္ခမဖြစ်သူကို သတ်… မသတ်ရင် မင်းရဲ့ သတို့သမီး သေမယ်” ဆိုပြီး ရွေးချယ်စရာမရှိတဲ့ အကြပ်အတည်းတစ်ခုကို ဖန်တီးလိုက်ပါတော့တယ်။

အပြင်မှာတော့ မင်္ဂလာပွဲလာ ဧည့်သည်တွေက သီချင်းသံတွေနဲ့ ပျော်ပျော်ပါးပါး ကခုန်နေကြပေမဲ့၊ အထဲမှာတော့ ကေလက်ဘ်တစ်ယောက် အချိန်နဲ့အမျှ အသက်လုနေရပါပြီ။ အချိန်ကလည်း တဖြည်းဖြည်း ကုန်လာသလို၊ ဒီချမ်းသာတဲ့ မိသားစုနောက်ကွယ်က အကျင့်ပျက်ခြစားမှုတွေ၊ ရက်စက်တဲ့ လျှို့ဝှက်ချက်တွေကလည်း ဘူးပေါ်သလို တစ်ခုပြီးတစ်ခု ပေါ်လာတဲ့အခါ…

ကိုယ်ချစ်ရတဲ့ မိန်းမကို ကယ်ဖို့အတွက် ကေလက်ဘ်တစ်ယောက် လူသတ်သမားဘဝကို ခံယူမလား… ဒီပဟေဠိဆန်တဲ့ The Wolf ရဲ့ တကယ့်ရည်ရွယ်ချက်ကရော ဘာလဲ… ဆိုတာကို ဇာတ်လမ်းအစကနေ အဆုံးထိ ရင်တမမနဲ့ ကြည့်ရှုရမှာပါ။

Ready or Not လိုမျိုး Single-location thriller ဇာတ်ကွက်မျိုးကိုမှ သဘောကျတဲ့သူတွေ၊ အချိန်နဲ့အမျှ ပြေးနေရတဲ့ Cat and Mouse လို Survival Action ကားတွေကို ကြိုက်တဲ့သူတွေအတွက်တော့ ဒီကားက အကြိုက်တွေ့စေမှာ အသေအချာပါပဲ။

Genre ….. Action, Thriller
Quality ….. 720P / 1080P WEB-DL (HEVC)
File Size ….. 750.47MB / 1.46GB
Review ….. Venus
Translator ….. Venus
Encoder ….. Ray

Rainbow Channel