LIK Love Insurance Kompany (2026) “အချစ်အာမခံ ကုမ္ပဏီ”

IMDB ⭐️ 6.3/10

နာမည်ကြီးဒါရိုက်တာ Vignesh Shivan ရိုက်ကူးထားပြီးတော့ လူငယ်ကြယ်ပွင့်လေးတွေဖြစ်တဲ့ မင်းသား Pradeep Ranganathan နဲ့ မင်းသမီး Krithi Shetty တို့ ပါဝင်သရုပ်ဆောင်ထားတဲ့ သိပ္ပံစိတ်ကူးယဉ် အချစ်ဟာသဇာတ်ကားလေးတစ်ကားကို တင်ဆက်ပေးချင်ပါတယ်။

“အချစ်မှာ အာမခံသာရှိနေရင် ဘယ်လိုနေမလဲ”

ဇာတ်လမ်းဟာ အနာဂတ်ကာလ (၂၀၃၅ခုနှစ်ဝန်းကျင်) ကို အခြေခံထားပါတယ်။ နည်းပညာတွေ အရမ်းတိုးတက်နေတဲ့အချိန်မှာ လူတွေဟာ အချစ်ကြောင့်နဲ့ စိတ်ဒဏ်ရာရမှာ အသည်းကွဲမှာကို အရမ်းကြောက်နေကြတဲ့အချိန်ဖြစ်ပါတယ်။ ဒီပြဿနာကို ဖြေရှင်းနိုင်ဖို့အတွက် “အချစ်အာမခံကုမ္ပဏီ” ဆိုတဲ့ ကုမ္ပဏီတစ်ခု ပေါ်ပေါက်လာခဲ့ပါတယ်။

ဒီကုမ္ပဏီမှာတော့ ချစ်သူချင်းအဆင်မပြေလို့ ဒါမှမဟုတ် အသည်းကွဲသွားတာမျိုးဆိုရင် အာမခံပြန်ပေးတဲ့ ဝန်ဆောင်မှုတွေ ပါရှိတာဖြစ်ပါတယ်။ အချစ်ကို ကြောက်နေကြတဲ့ လူတွေဟာ ဒီအာမခံနဲ့အတူ အချစ်ရေးမှာ ပြန်လည်ပြီးတော့ ရှင်သန်လာခဲ့ကြပါတော့တယ်။

ဒီခေတ်ကာလမှာ လူတိုင်းဟာ “ဖုန်းမရှိရင် မနေနိုင်ပါဘူး” ဆိုတဲ့အခြေအနေမျိုးမှာ ရှိနေကြပြီး အွန်လိုင်းပေါ်မှာ ပြစ်မှုတစ်ခုခု ပြုလုပ်ခဲ့ရင်လည်း အပြစ်ဒဏ်အနေနဲ့ “အော်ဂဲနစ်ကမ္ဘာ”ဆိုတဲ့ နေရာမှာ ဖုန်းလုံးဝမသုံးရဘဲ အကျဉ်းကျခံရတာမျိုးရှိလာပါတယ်။ အော်ဂဲနစ်ကမ္ဘာမှာတော့ ဖုန်းဆိုတာ လုံးဝမကိုင်ရဘဲ သဘာဝတရားကြီးနဲ့ပဲ နေထိုင်ပြီး ပျော်မွေ့အောင် နေရတဲ့နေရာမျိုးပါ။

အော်ဂဲနစ်ကမ္ဘာကို တည်ထောင်ခဲ့တဲ့ အန်ဘူ ကာမယ်လ်ရဲ့ သားဖြစ်သူ ဗိုက်ဘ်ဗာစီနဲ့ တစ်နေကုန် ဖုန်းနဲ့အလုပ်လုပ်နေရတဲ့ အင်ဖလူရန်ဇာမလေးဒီမာတို့ ဆုံတွေ့ကြတဲ့အချိန်မှာတော့………
ဘယ်လို စိတ်ဝင်စားဖို့ကောင်းတာတွေ ဆက်လက်ဖြစ်ပွားမလဲဆိုတာကို ကြည့်ရှုသူ ပရိသတ်ကြီးတို့က ဆက်လက်စီးမြောခံစားကြည့်လိုက်ပါဦးနော်။

Genre ….. Comedy, Romance
Quality ….. 720P / 1080P WEB-DL (HEVC)
File Size ….. 1.41GB / 2.78GB
Review ….. Elsa
Translator ….. RMC Team
Encoder ….. SNNT

Rainbow Channel