Dark Nuns (2025)

မပြခင်ကတည်းက ကမ္ဘာတစ်ဝှမ်းမှာ လက်မှတ်တွေ ရောင်းကုန်ခဲ့တယ်ဆိုပြီး နာမည်ကြီးခဲ့တဲ့ မမအွန်ဆောလို့အများသိကြတဲ့ Song Hye-kyo ရဲ့ Horror ကားသစ်လေးလာပါပြီ။ ၂၀၁၅ ခုနှစ်က ထွက်ရှိခဲ့တဲ့ The Priests ရဲ့ spin-off ဇာတ်ကားလို့လည်း ဆိုကြပြီး Vicenzo ကားထဲက မင်းသမီး Jeon Yeo-been၊ Squid Game ထဲက ကလေးဆေးဖိုးလာရှာတဲ့အဖေ Lee Jin-wook နဲ့ မင်းသားငယ်လေး Moon Woo-jin တို့ပါ ပါဝင်သရုပ်ဆောင်ထားကြတာမို့ ဘယ်လိုအခြေအနေရှိမလဲဆိုတာ အကဲခတ်ကြည့်လိုက်ကြရအောင်ပါ။

နတ်ဆိုးပူးကပ်ခံထားရတဲ့ ဟီဂျွန်းဆိုတဲ့ ကောင်လေးကို အစွဲချွတ်ဖို့ သီလရှင် ယူနီရာက နည်းမျိုးစုံနဲ့ ကြိုးစားရာမှာ သီလရှင်တစ်ယောက်ဖြစ်တာမို့ အခက်အခဲ အတားအဆီးမျိုးစုံနဲ့ ရင်ဆိုင်ခဲ့ရပါတယ်။ သီလရှင်တွေကို အစွဲချွတ်ခွင့်မပေးထားတဲ့ သူတို့ရဲ့ ဓလေ့နဲ့ ပုံမှန်နဲ့မတူ ထူးခြားစွာ အားကောင်းနေတဲ့ နှင်ထုတ်ရခက်တဲ့ နတ်ဆိုးကြောင့် သီလရှင် ယူနီရာတစ်ယောက် အကူအညီရလိုရငြား နောက်ထပ် သီလရှင်ငယ်လေးကို နားချဆွဲဆောင်ခဲ့ရာမှာ အဲဒီသီလရှင်ငယ်လေးကလည်း တမူထူးခြားသူ ဖြစ်နေခဲ့ပြန်ပါတယ်။

အားကောင်းတဲ့ နတ်ဆိုးရဲ့သရုပ်မှန်ကို သိရဖို့ ကြိုးစားရှာဖွေရင်း ကြုံလာရတဲ့အခက်အခဲ အတားအဆီးတွေကို အောင်အောင်မြင်မြင် ဖြတ်ကျော်ပြီး ဟီဂျွန်းကိုယ်ထဲက နတ်ဆိုးကို မောင်းထုတ်နိုင်မလား၊ သူတို့နှစ်ဦး အတူရင်ဆိုင်ပြီး သီလရှင်တွေက အစွဲချွတ်ခွင့်မရှိဆိုတဲ့ ဓလေ့ကို တွန်းလှန်နိုင်မလားဆိုတာနဲ့ နောက်ဆုံးမှာ အားလုံးအတူ အသက်ရှင်ကျန်နိုင်မလားဆိုတာကိုတော့ ရင်တဖိုဖိုနဲ့ ရှုစားကြည့်လိုက်ကြပါဦးနော်။

Review and Translated By Thu Thu
Encoded By N.A.S

Rainbow Channel

709 total views , 2 views today