K_i-s K-i_s-k-o P-y_a-a_r K-a_r-o-o_n 2 (2-0-2-5)

IMDB ⭐️ 4.7/10

ဟိုတလောတုန်းက 5+1 ဆိုပြီး ပွဲဆူသွားသလိုမျိုး မမချောများအကြား ဗျာများရမဲ့ 5+1 ဟင်ဒီဗားရှင်းလေးကို တင်ဆက်ပေးလိုက်ပါပြီခင်ဗျာ။

လွန်ခဲ့တဲ့ ၁၀ နှစ်လောက်က ပထမကားမှာတုန်းက “မိန်းမ ၃ ယောက်၊ ရည်းစား ၁ ယောက်” နဲ့ ဗာရာဏသီချာလည်ပြီး ပရိသတ်ကို ရယ်မောစေခဲ့တဲ့ Kapil Sharma ကို မှတ်မိကြဦးမှာပါ။

ဒီတစ်ခါ ဒုတိယပိုင်းမှာလည်း သူ့ရဲ့ “ကံ” က ကောင်းသလိုလိုနဲ့ ဆိုးနေပြန်ပါပြီ။ သူ့အချစ်ရေးက ဝိုင်းစုသီချင်းလိုပဲ နင်ဝင်လာလိုက်ပြီးတော့ ပြန်မထွက်ကြတဲ့ မိန်းကလေးတွေကြားမှာ ဘယ်လိုတွေ ဗျာများမလဲ၊ လိမ်ရင်းညာရင်းနဲ့ ဘယ်လိုတလွဲတချော်တွေနဲ့ ချော်လဲရောထိုင်လုပ်ရမလဲ ရှုစားရမှာပါ။

သူများတွေအားနာလို့ခါးပါနေရချိန်မှာ သနားစိတ်ပိုတဲ့ မေတ္တာရှင် မောင်မိုဟန်တစ်ယောက် အားနာကောင်းရာကနေ ပထမဇာတ်ကားတုန်းကလိုပဲ မချောများနဲ့ချာချာလည်ဖြစ်ဦးမှာပါ။

မိုဟန်နဲ့ဆာနီယာတို့ဟာငယ်ချစ်ဦးတွေဖြစ်ပြီး သူတို့သက်တမ်း ထက်ဝက်မက ချစ်လာခဲ့ကြတဲ့ ချစ်သူနှစ်ယောက်ပါ။

ကံဆိုးချင်တော့ ကိုးကွယ်တဲ့ဘာသာမတူတဲ့အတွက် နှစ်ဖက်မိဘက လုံးလုံးသဘောမတူဘဲ မိုဟန်တို့ မှတ်ပုံတင်ရုံးသွားပြီဆိုတာနဲ့ကို ရုံးအထိလိုက်ပြီး မျိုးစုံပွဲဖျက်ကြလို့ မှတ်ပုံတင်ရုံးကအရာရှိတောင် လန့်နေရတဲ့စုံတွဲလေးပေါ့။

ဒါပေမဲ့ ဆာနီယာရော မိုဟန်ရော ဒီအချစ်ကိုလက်မလျှော့နိုင်ကြတဲ့အတွက် နောက်ဆုံးမှာ ဆာနီယာ့မိဘတွေကို တထစ်လျှော့ပြီး ဆာနီယာကို ပေးစားဖို့လုပ်ထားတဲ့လူနေရာမှာ မိုဟန်ကိုအစားထိုးထည့်ပေးသလို မိုဟန်ကိုယ်တိုင်ကလည်း မွတ်စလင်ဘာသာပြောင်းတဲ့အထိ အချစ်အတွက်အရာရာစတေးဖို့လုပ်ထားတာပေါ့။

ဒါပေမဲ့ ဆာနီယာကလည်း ခေသူမဟုတ်ဘဲ သတို့သမီးနေရာမှာ ရူဟီးဆိုတဲ့ကောင်မလေးကို အစားထိုးလိုက်ရာကနေ အလွဲကြီးလွဲတော့တာပါပဲ။

အဲဒီကနေ Domino Effect ဝင်သွားတဲ့ မောင်ကံဆိုးမိုဟန်တစ်ယောက် ချစ်သူနဲ့နီးဖို့အရေး ဘယ်လိုတွေ ဆင့်ကဲတလွဲတချော်တွေဖြစ်မလဲဆိုတာ ရှုစားကြပါဦး။

တော်တော်လေးပေါ့ပေါ့ပါးပါးနဲ့ အတော်လည်းခွီရတဲ့ဇာတ်ကားလေးဖြစ်တာမလို့ စိတ်ညစ်ညူးနေတဲ့ပရိသတ်ကြီးအတွက်တော့ ဟာဒယရွှင်ဆေးတစ်ခွက်ဖြစ်လာမှာပါ။

Genre ….. Comedy, Drama, Romance
Quality ….. 720P / 1080P WEB-DL (HEVC)
File Size ….. 1.37GB / 2.7GB
Review ….. Venus
Translator ….. RMC Team
Encoder ….. SNNT

Rainbow Channel