Gyeongseong Creature (2023)
Season 1

ဇာတ်ကားကောင်းလေးလာပါပြီ❤️
ကေဒွမ်မာ ကားကောင်းတွေဆို နှစ်ပိုင်းခွဲပြီး ဒွမ်မာခရေဇီတွေကို
နှိပ်စက်လေ့ ရှိတဲ့အတိုင်းပဲ။
ဒီကားလေးကိုလည်း နှစ်ကုန်မှာ ပထမ ၇ ပိုင်းနဲ့ 2024 နှစ်ဦးမှာ ဒုတိယပိုင်းကို ခွဲပြီးထုတ်လွှင့်ပေးသွားမှာပါ
1945 ခုနှစ် ဂျပန်က ကိုးရီးယားကို အုပ်ချုပ်ခဲ့တဲ့ ကာလအတွင်းမှာ လျှို့ဝှက်ချက်တွေ အပြည့်နဲ့
ဆေးရုံကြီး တစ်ရုံရှိခဲ့ပါတယ်…
ဒီဆေးရုံကြီးထဲကို ဝင်သွားတဲ့လူနာတိုင်းဟာ ပြန်လမ်းမရှိတော့ပါဘူး…
ဇာတ်လမ်းက ဒီကနေစတာပါပဲ…

ဥစ္စာပေါရုပ်ချောဖြစ်နေတဲ့ အပြင် ပေါင်းသင်းဆက်ဆံရေးလည်းကောင်း အရည်အချင်းလည်းရှိတဲ့ ဘီးကျဲကြီး ဂျန်ထယ်ဆန်း (Park Seo-Joon) ဟာ ဂယောင်ဆောင်းရဲ့ နှင်းဆီခိုင်ကြီး ဖြစ်ပါတယ်…

ကလေးဘဝကတည်းက ဖခင်ဖြစ်သူနဲ့ အတူ နိုင်ငံတကာကို လှည့်လည်သွားလာနေရတဲ့ အဆိပ်ခပ်ပြင်းပြင်း အမျိုးသမီးလေး
ယွန်းချယ်အို့ (Han So-Hee) ဟာ လူပျောက်ရှာပေးတဲ့ အလုပ်ကို လုပ်ကိုင်ပါတယ်…
ငယ်စဉ်ကနေ အရွယ်ရောက်တဲ့အထိ သူမ သင်ယူခဲ့ရတာက ဘယ်လိုအသက်ရှင်ဖို့ကြိုးစားမလဲဆိုတဲ့ခေါင်းစဉ်ဖြစ်တာမို့
မိန်းကလေးပေမယ့် အပစ်အခတ် အထိုးအသတ်ကလည်း ကောင်းပါသေးတယ်…
လွန်ခဲ့တဲ့ ၁၀ နှစ်ကျော်က ပျောက်ချင်းမလှပျောက်ဆုံးသွားတဲ့ သူမရဲ့ မိခင်ကို ရှာဖွေဖို့အတွက် ဂယောင်ဆောင်းကို
ရောက်လာခဲ့တဲ့ ယွန်းချယ်အို့ နဲ့ နှင်းဆီခိုင်ကြီး ဂျန်ထယ်ဆန်း တို့ရဲ့  မတည့်အတူနေပူးတွဲ စစ်ဆင်ရေးကြီးကို
တင်ဆက်ပေးသွားမှာပါ

Season 2 ကိုလည်း Netflix ကနေ 27 မှာထွက်ရှိမှာမို့ စောင့်မျှော်လိုက်ရအောင်ဗျာ

Translated and Review By RMC Team
Encoded By N.A.S

Gyeongseong Creature Season 2

ပရိသတ်ကြီးမျှော်လင့်တကြီးနဲ့စောင့်မျှော်နေခဲ့ရတဲ့ Gyeongseong Creature ကတော့ Season 2 အနေနဲ့ ထွက်ရှိလို့လာခဲ့ပါပြီ။

Season 1 မှာတုန်းက ဂျပန်တွေဖန်တီးထားတဲ့ မကောင်းဆိုးဝါးသတ္တဝါကြီးတွေနဲ့ တိုက်ခိုက်ခဲ့ရတဲ့ Jang Tae-Sang ၊Yoon Chae-Ok တို့နှစ်ယောက်ရဲ့ ကံကြမ္မာက အခုတစ်ခေါက် Season 2 မှာရော ဘယ်လိုဆက်ဖြစ်မလဲဆိုတာ စောင့်ကြည့်ရမှာပါ။

ဒါ့အပြင် မကောင်းဆိုးဝါးသတ္တဝါတွေထက် ပိုပြီးဆိုးရွားတဲ့ အန္တရာယ်ကြီးတစ်ခုကိုလည်း Season 1 မှာပြသခဲ့တာမလို့ အခုတစ်ခါမှာတော့ အရင်ကထက် ပိုမိုပြင်းထန်တဲ့ တိုက်ခိုက်မှုတွေကို ကြည့်ရှုခံစားရမှာလည်းဖြစ်ပါတယ်။

မျက်မှောက်ခေတ် ၂၀၂၄ ခုနှစ်မှာ တစ်မြို့လုံးထူးဆန်းတဲ့ လူသေမှုတွေ ဆက်တိုက်ဖြစ်ပေါ်လာတဲ့အချိန် သမိုင်းတစ်ပတ်ပြန်လည်လာတဲ့အချိန် Jang Tae-Sang ဆီကို Yoon Chae-Ok ပြန်ရောက်လာတဲ့အချိန် မပြီးဆုံးနိုင်သေးတဲ့ သူတို့ရဲ့ကံကြမ္မာက ဘယ်လိုအဆုံးသတ်သွားမလဲဆိုတာ ဒီတစ်ခေါက်မှာတော့ တွေ့မြင်ရမှာဖြစ်ပါတယ်။ဒါရိုက်တာကတော့ အရင်ဂျပန်ခေတ်နဲ့ မျက်မှောက်ခေတ်နှစ်ခုကြားက မတူညီတဲ့ရသတွေကို ပေါ်လွင်အောင်ဖန်တီးထားတယ်လို့ မှတ်ချက်ပေးထားတဲ့အတွက် ဘယ်လိုမျိုးအသစ်အဆန်းတွေနဲ့ ရသအသစ်တွေကို ပေးစွမ်းသွားမလဲဆိုတာ ဇာတ်လမ်းလေးထဲမှာပဲ အတူတူကြည့်ရှုခံစားလိုက်ရအောင်ပါ။
စုစုပေါင်း ၇ ပိုင်းပါဝင်မှာဖြစ်ပါတယ်။

Review By CL
Translated By CL, Rin, Choco, Thu Thu
Encoded By N.A.S