No Way Out: The Roulette (2024)

ပရိသတ်ကြီးအကြိုက် အက်ရှင်မင်းသားကြီးတွေနဲ့အတူ ပရိသတ်ကြီးရဲ့အချစ်တော် မင်းသားလီဂွမ်ဆူပါဝင်ထားတဲ့ No Way Out: The Roulette နဲ့မိတ်ဆက်ပေးချင်ပါတယ်။

ဇာတ်လမ်းလေးက မှုခင်းအက်ရှင်ဇာတ်ကြမ်းကားလေးဖြစ်လို့ အက်ရှင်ကြိုက်တဲ့သူတွေအတွက်လက်မလွှတ်သင့်တဲ့ကားကောင်းလေးပဲဖြစ်ပါတယ်။
လူသတ်မှုကျူးလွန်ပြီး ထောင်ထဲမှာ ၁၃နှစ်ကြာနေပြီးမှ ပြန်လွတ်လာတဲ့ Kim Guk-ho တစ်ယောက် ထောင်ကထွက်ထွက်ချင်း ဆုကြေးငွေအထုတ်ခံလိုက်ရပါတယ်။ဆုကြေးငွေကလည်းများပြားလှတဲ့အတွက် သူ့ကိုသတ်ချင်တဲ့ ကြေးစားလူသတ်သမားတွေ ရာဇဝတ်သမားတွေက သူ့နောက်ကိုခြေရာခံလိုက်ကြရင်း ထွက်ပြေးတိမ်းရှောင်နေရပါတယ်။ဒီလိုအချိန် အစိုးရဘက်က ရဲအရာရှိ Baek Joong-sik နဲ့ ရှေ့နေ Lee Sang-bong တို့က သူ့ကိုကာကွယ်ဖို့အကြောင်းဖန်လာပါတယ်။ဒါ့အပြင် Kim Guk-ho ကိုအသုံးချပြီး နိုင်ငံရေးအမြတ်ထုတ်ဖို့ကြံစည်နေတဲ့ မြို့တော်ဝန် Ahn Myung-ja ကလည်းလှုပ်ရှားလာပါတယ်။
ဒီလိုမျိုးရှုပ်ထွေးနက်နဲလှတဲ့အခြေအနေတွေကနေ Kim Guk-ho တစ်ယောက် ရုန်းထွက်နိုင်ပါ့မလားဆိုတာကတော့ ပရိသတ်ကြီးကပဲဆက်လက်စောင့်ကြည့်ပေးကြပါဦးနော်။

ဝါရင့်သရုပ်ဆောင်မင်းသားကြီးတွေနဲ့အတူ တစ်မူထူးခြားတဲ့ဇာတ်ရုပ်နဲ့ မြင်နေကျပုံစံကနေ ကွဲထွက်ပြီးသရုပ်ဆောင်ထားတဲ့ မင်းသား လီဂွမ်ဆူရဲ့ အက်ရှင်ဇာတ်ကားသစ်လေးက ပရိသတ်ကြီးရဲ့အကြိုက်နဲ့ထပ်တူကျမယ်လို့ ယုံကြည်ပါတယ်။

စုစုပေါင်း ၈ ပိုင်းထုတ်လွှင့်မှာဖြစ်ပြီး အပတ်စဉ်ဗုဒ္ဓဟူးနေ့တိုင်းမှာ စောင့်မျှော်ကြည့်ရှုနိုင်ပါတယ်။

Review By CL
Translated By RMC Team
Encoded By N.A.S