Dosa Musyrik (2024)
=================

IMDB ⭐️ 5.5/10

“အရှင်မြတ်တောင် ခွင့်မလွှတ်နိုင်တဲ့ အပြစ်တစ်ခုကို ကျူးလွန်မိတဲ့အခါ… ပေးဆပ်ရမယ့် တန်ကြေးက ငရဲထက်တောင် ဆိုးရွားနေမလား”

ပရိသတ်ကြီးအတွက် ဒီတစ်ခေါက်မှာတော့ ရိုးရိုးသရဲခြောက်တဲ့ ဇာတ်လမ်းတွေထက် ပိုပြီးနက်နဲတဲ့၊ ဘာသာရေးနဲ့ ပရလောကကို ဆက်စပ်ရိုက်ကူးထားတဲ့ အင်ဒိုနီးရှား Horror/Drama ဇာတ်ကားသစ်လေး “Dosa Musyrik” ကို တင်ဆက်ပေးလိုက်ပါတယ်ခင်ဗျာ။

ဒီကားလေးမှာတော့ အင်ဒိုနီးရှား ဝါရင့်သရုပ်ဆောင်ကြီး Yatti Surachman နဲ့အတူ Marthino Lio နဲ့ Delia Husein တို့က အဓိက ပါဝင်သရုပ်ဆောင်ထားပါတယ်။

ဇာတ်လမ်းအကြောင်းအရာကတော့ ဘာသာတရားမှာ အပြင်းအထန် တားမြစ်ထားတဲ့၊ အလ္လာဟ်အရှင်မြတ်က မုန်းတီးရွံရှာတဲ့ လျှို့ဝှက်ဆန်းကြယ် မကောင်းဆိုးဝါး ပညာရပ်တွေအကြောင်းကို အခြေခံထားတာပါ။

လောဘတရားနဲ့ လောကဓံရဲ့ အခက်အခဲတွေကြားမှာ လူတွေဟာ ထွက်ပေါက်ရှာရင်း မမြင်ရတဲ့ နာမ်လောကသားတွေ၊ မကောင်းဆိုးဝါးတွေနဲ့ အပေးအယူလုပ်ကာ မှားယွင်းတဲ့ လမ်းစဉ်ကို ရွေးချယ်မိတတ်ကြပါတယ်။

ဒါပေမဲ့ မကောင်းဆိုးဝါးတွေဆီက အလွယ်တကူ ရလာတဲ့ အရာတိုင်းမှာ အမြဲတမ်း “တန်ကြေး” ဆိုတာ ရှိစမြဲပါ။ အဲဒီတန်ကြေးက ကိုယ့်ရဲ့ ဝိညာဉ်လား… ကိုယ်ချစ်ရတဲ့ သူတွေရဲ့ အသက်လား… ဘယ်လို ဆိုးရွားတဲ့ အကျိုးဆက်တွေ သက်ရောက်လာမလဲ ဆိုတာကို ရင်တမမနဲ့ ကြည့်ရှုရမှာပါ။

အင်ဒို ဟော်ရာတွေရဲ့ ထုံးစံအတိုင်း ရိုးရာ ယုံကြည်မှုတွေနဲ့ ပရလောက အယူအဆတွေကို သေချာ ပေါင်းစပ်ထားပြီး Drama အငွေ့အသက်ပါ ပါဝင်တာမို့ ရိုးရိုးကြီး လန့်နေရတာမျိုးထက် ဇာတ်ကောင်တွေရဲ့ ခံစားချက်၊ အမှားတွေအပေါ် နောင်တရမှုတွေနဲ့ အကြောက်တရားကိုပါ တစိမ့်စိမ့် ခံစားရမှာပါ။ ညဘက် တစ်ယောက်တည်း ကြည့်ရင်တော့ နောက်ကျော မလုံစေမဲ့ ဇာတ်ကားမျိုးမို့ Horror Vibe အပြည့်ခံစားချင်သူတွေ အခုပဲ ပြေးသာ ကြည့်လိုက်ကြပါတော့ဗျာ။

Genre ….. Drama, Horror
Quality ….. 720P / 1080P WEB-DL (HEVC)
File Size ….. 704.04MB / 1.46GB
Review ….. Venus
Translator ….. Venus
Encoder ….. SNNT

Rainbow Channel