My Old Ass (2024)

ဒီတစ်ခေါက်တော့ ပရိတ်သတ်တွေအကုန်လုံးကိုပါ ဇာတ်လမ်း‌လေးနဲ့အတူ လွင့်သွားစေမယ့် ပေါ့ပေါ့ပါးပါးလေးရိုက်ကူးထားတဲ့ ဟာသဒရမ်မာကားလေးနဲ့ မိတ်ဆက်ပေးချင်ပါတယ်။

ဇာတ်လမ်းလေးက‌တော့ ၁၈ နှစ်အရွယ်ကောင်မလေးနဲ့ သူ့ရဲ့အနာဂတ်ဖြစ်တဲ့ ၃၉ နှစ်အရွယ်အမျိုးသမီးတစ်ယောက်ရယ်အကြောင်းကို ဇာတ်လမ်းဆန်းဆန်းလေးနဲ့ရိုက်ကူးထားတာပါ။ ဇာတ်လမ်းရဲ့အစမှာတော့ အဲလိယက် ဆိုတဲ့ကောင်မလေးက ၁၈ နှစ်ပြည့်မွေးနေ့မှာ သူငယ်ချင်းတွေနဲ့အတူ ဟိုက်ချင်တာကြောင့် မှိုတွေအတူတူသုံးခဲ့ကြပါတယ်။ ဒါပေမယ့် သူငယ်ချင်းတွေကပဲ ဆေးစွမ်းပြပြီး လွင့်နေပေမယ့် သူကဘာမှမခံစားရလို့ စိတ်ညစ်နေတဲ့အချိန်မှာ သူ့ရဲ့ အနာဂတ်က ၃၉ နှစ်အရွယ်ဖြစ်တဲ့ အဲလိယက် က သူ့ဘေးကိုရောက်ရှိလာပါတယ်။ အဲ့လိုနဲ့ သူပဲလွင့်ပြီး ကယောင်ကတမ်းတွေမြင်နေရတာလား ဆေးခြောက်ကနေတစ်ဆင့်ပဲ သူတို့နှစ်ယောက်က ဆက်သွယ်လို့ရတာလားဆိုပြီး တွေဝေနေချိန်မှာ အနာဂတ်အဲလိယက် က သူ့ကို ငယ်ဘဝသက်သေတွေနဲ့ပြောပြပြီး ရှေ့ဆက်ပြီး အနာဂတ်မှာကောင်းတာတွေဖြစ်ဖို့ ရှောင်သင့် ဆောင်သင့်တာတွေ ပြောပြပါတယ်။

ကျန်တာတွေကို အထူးတလည်မပြောပြခဲ့ပေမယ့် ‘ချက်’ ဆိုတဲ့ကောင်လေးနဲ့တော့ လုံးဝမချစ်မိဖို့ကို အတန်တန်တားခဲ့ပါတယ်။ ဘာလို့တားခဲ့တာလည်းဆိုတာတော့ လုံးဝမပြောပြခဲ့ပါဘူး။ အဲ့လိုနဲ့ အဲလိယက် တစ်ယောက် သူအကြံပေးတာတွေကို နားထောင်နိုင်ပါ့မလား၊ သူ့ရဲ့ငယ်ဘဝကိုရော ဘယ်လိုတွေ နောင်တမရှိအောင် ဖြတ်သန်းသွားမလဲဆိုတာကို‌ ပျော်ပျော်ရွှင်ရွှင်လေးနဲ့ ဇာတ်လမ်းအဆုံးထိကြည့်ရှုရမှာပါ။

Review and Translated By YOON
Encoded By N.A.S