No Parking (2025)

IMDB ⭐️ 4.4/10

ကိုယ့်အမှားမဟုတ်လို့ မတောင်းပန်ရာကနေ လူသတ်သမားရဲ့ ပစ်မှတ်ဖြစ်လာတဲ့သူမ

ကွာရှင်းပြီး ၁၀ နှစ်ကျော်မှ အလုပ်ပြန်တက်တဲ့ အိုယွန်းဟီး။ အရင်ကသိခဲ့တဲ့ ဌာနမှူးက သူ့ကို ကုမ္ပဏီမှာ ပြန်လည်လက်ခံပေးခဲ့ပြီး ဘာပဲလုပ်လုပ်ချီးကျူးနေတဲ့အခါမှာတော့ အိုယွန်းဟီးစိတ်ထဲ မသိုးမသန့်ဖြစ်လာပါတော့တယ်။ သူငယ်ချင်းကတော့ ဌာနမှူးက နင့်အပေါ် ခံစားချက်ရှိနေတယ်လို့ပြောပေမဲ့ ဟုတ်ပါ့မလားဆိုပြီး ဒွိဟဖြစ်နေခဲ့တယ်။

ဒီလိုနဲ့ နောက်ပိုင်းမှာ အိမ်ထောင်သည် ဌာနမှူးက နေ့တိုင်း ဖုန်းတွေဆက် စာတွေပို့ပြီး နှောင့်ယှက်တဲ့အတွက် စိတ်တိုနေရာကနေ ကားပါကင်ပြဿနာပါ ထပ်ဖြစ်လာခဲ့တယ်။ အိုယွန်းဟီး ကားပါကင်ထိုးမဲ့နေရာကို အမြဲတမ်း ပိတ်ရပ်ထားတဲ့ အဒေါ်ကြီးတစ်ယောက်ရှိတယ်။ တစ်နေ့ အဲဒီအဒေါ်ကြီးနဲ့ စကားများကြပြီး နောက်နေ့ကျ အဲဒီအဒေါ်ကြီးကို ကြိုက်နေတဲ့ ယောက်ျားဖြစ်သူနဲ့ပါ စကားများကြပြန်တယ်။

နောက်ဆုံး အဲဒီယောက်ျားဖြစ်သူက တောင်းပန်ခိုင်းတဲ့အခါမှတော့ အိုယွန်းဟီးက သူ့အမှား မဟုတ်ဘူးဆိုပြီး မတောင်းပန်ခဲ့ပါဘူး။ တကယ်တော့ အဲဒီကောင်က ကွင်းဆက်လူသတ်သမားဖြစ်နေခဲ့တာပါ။ ဒါကို အိုယွန်းဟီးကတော့ မသိရှာပါဘူး။ ဒီလိုနဲ့ သူ့ကို လိုက်နှောင့်ယှက်နေတဲ့ ဌာနမှူး ပျောက်ဆုံးသွားတဲ့ သတင်းကို ကြားပြီးကမှ တဖြည်းဖြည်း သတိထားလာမိတဲ့အခါ ဘာတွေ ဆက်ဖြစ်ကြမှာလဲ။

လူသတ်သမားက နောက်ဆုံးမှာတော့ တခြားသူတွေကို သတ်ပြီး အိုယွန်းဟီးကို လက်စားချေနိုင်မှာလား….
စိတ္တဇဆန်ဆန်လူသတ်ကားတွေကို ကြိုက်နှစ်သတ်သူတွေအတွက် လက်မလွှတ်တမ်း စောင့်ကြည့်ရမဲ့ဇာတ်ကားဖြစ်ပါတယ်။

Genre ….. Crime, Horror, Thriller
Quality ….. 720P / 1080P WEB-DL (HEVC)
File Size ….. 767.96MB / 1.67GB
Review ….. Verona
Translator ….. Verona
Encoder ….. Ray

Rainbow Channel