MouseTrap (2026)
================

“မင်းရဲ့နာမည် မင်းရဲ့အိမ် မင်းရဲ့ဘဝ… အကုန်လုံး တစ်ယောက်ယောက်က ခိုးယူသွားရင် ဘာလုပ်မလဲ?”

ဒီဇာတ်ကားရဲ့ အဓိကဇာတ်ကောင် Mun-Jae ကတစ်ယောက်တည်းအေးအေးဆေးဆေးနေတတ်တဲ့ စာရေးဆရာတစ်ယောက်ပါ။ သူ့ဘဝမှာ ယုံကြည်ရတဲ့သူဆိုလို့ အရာအားလုံးကို ကူညီပေးနေတဲ့ သူငယ်ချင်းတစ်ယောက်ပဲရှိပါတော့တယ်။

ဒါပေမဲ့ တစ်နေ့မှာတော့ Mun-Jae ရဲ့ဘဝက ရုတ်တရက်ပြောင်းလဲသွားပါတယ်။ သူ့ဖုန်းကိုတောင်မှ ကာယကံရှင်လက်ဗွေနဲ့တောင် ဖွင့်လို့မရတော့ပါဘူး။ သူ့အတွက် အရာအားလုံးလုပ်ပေးနေတဲ့ သူငယ်ချင်းကလည်း အဆက်အသွယ်မရဘဲ ပျောက်သွားတယ်။ ပိုဆိုးတာက သူ့ကိုယ်သူ ဘယ်သူလဲဆိုတာ သက်သေပြဖို့တောင် မတတ်နိုင်တော့တာပါ။

အဲဒီအချိန်မှာ Mun-Jae သိလိုက်ရတာက….
“Rat” လို့ခေါ်တဲ့ တစ်စုံတစ်ယောက်က သူ့ရဲ့ နာမည်၊ ကိုယ်ရေးအချက်အလက်၊ ပိုင်ဆိုင်မှုနဲ့ ဘဝတစ်ခုလုံးကိုပါ ခိုးယူသွားခဲ့တာ ဖြစ်ပါတယ်။ အဲဒါကြောင့် Mun-Jae က သူ့ဘဝကို ပြန်ရဖို့အတွက် Rat ကို ကိုယ်တိုင်လိုက်ရှာပါတော့တယ်။

ဒါပေမဲ့ ဒီအမှုမှာ Mun-Jae တစ်ယောက်တည်း မဟုတ်ပါဘူး။
သူ့လမ်းကြောင်းပေါ်ကို No-Ja ဆိုတဲ့ အေးဆေးတည်ငြိမ်ပြီး အလွန်အန္တရာယ်များတဲ့ လူတစ်ယောက် ဝင်လာပါတယ်။ No-Ja က ငွေတိုးချေးစားတဲ့သူတစ်ယောက်ဖြစ်သလို လျှို့ဝှက်စုံထောက်အေဂျင်စီကိုလည်း လုပ်ကိုင်နေသူဖြစ်ပါတယ်။ လူတွေရဲ့ လျှို့ဝှက်ချက်တွေ၊ ပျောက်ဆုံးနေတဲ့လူတွေကို ငွေယူပြီး လိုက်ရှာပေးတတ်ပါတယ်။ ဒါပေမဲ့ No-Ja နဲ့ Mun-Jae တို့ရဲ့ ဆက်နွယ်မှုကတော့ ထင်ထားတာထက် ပိုရှုပ်ထွေး‌နေပါတယ်။

Mun-Jae က No-Ja ဆီက ပိုက်ဆံချေးပြီး လွန်ခဲ့တဲ့ ၃ နှစ်ကတည်းက ပျောက်သွားခဲ့တာပါ။ အဲဒါကြောင့် No-Ja အတွက် Rat ကိုလိုက်ရှာတာဟာ Mun-Jae ကိုကူညီဖို့သက်သက်မဟုတ်ပါဘူး။ သူ့ပိုက်ဆံပြန်ရဖို့ Mun-Jae ကိုပါ လိုက်ဖမ်းနေတာပါ။

Mun-Jae က သူ့ဘဝကို ပြန်ရှာနေတာလား ဒါမှမဟုတ် သူ့ဘဝထဲမှာ တကယ်ရှိခဲ့တဲ့လူတစ်ယောက်ကို ရှာနေတာလား။တစ်ဖက်မှာလည်း No-Ja က အေးဆေးနေပြီး အရာအားလုံးကို စောင့်ကြည့်နေတဲ့ပုံပေါ်ပေမဲ့ သူ့ရဲ့ရည်ရွယ်ချက်တွေက ဘာလဲဆိုတာ သေချာမသိနိုင်သေးပါဘူး။
Mouse Trap က “ကိုယ့်ဘဝတစ်ခုလုံးကို တစ်ယောက်ယောက်က ခိုးယူသွားခဲ့ရင် ဘယ်လိုပြန်ရှာမလဲ” ဆိုတဲ့ စိတ်ဝင်စားစရာ premise နဲ့ စတင်ထားတဲ့ mystery thriller တစ်ကားဖြစ်ပါတယ်။

ဇာတ်လမ်းတစ်လျှောက် ဘယ်သူ့ကိုယုံရမလဲ၊ ဘယ်သူကလိမ်နေတာလဲ၊ Mun-Jae က တကယ်ပဲ သားကောင်လား ဆိုတာတွေကို ဆက်တိုက်တွေးမိစေမှာဖြစ်လို့ mystery နဲ့ psychological thriller ကြိုက်တဲ့သူတွေအတွက်တော့ ကြည့်ရှုသင့်တဲ့ကားတစ်ကားဖြစ်ပါတယ်။

Genre ….. Crime, Drama, Mystery
Quality ….. 720P / 1080P WEB-DL (H264)
File Size ….. 500MB / 1GB
Episode ….. 10
Network ….. Netflix
Review ….. Verona
Translator ….. RMC K Team
Encoder ….. Ray

Rainbow Channel

=================== END ===================