With Love (2-0-2-6)

IMDB ⭐️ 7.6/10

“အတိတ်က မပြောဖြစ်ခဲ့တဲ့ အချစ်တွေဆီကို ပြန်သွားပြီး နှုတ်ဆက်ကြမလား… ဒါမှမဟုတ် အသစ်ပြန်စကြမလား…”

Feel-good Rom-Com ကားကောင်းလေးတွေကိုမှ သဘောကျတဲ့ ဘော်ဒါတွေအတွက် တမီးလ် (Tamil) ဇာတ်ကားသစ်လေးတစ်ကားနဲ့ မိတ်ဆက်ပေးပါရစေ။ ဒီကားလေးကတော့ ဒါရိုက်တာ Madhan ရဲ့ ပထမဆုံး လက်ရာဖြစ်ပြီး၊ မင်းသား Abishan Jeevinth နဲ့ ပရိသတ်အချစ်တော် မင်းသမီးချောလေး Anaswara Rajan တို့က ခေါင်းဆောင်ပါဝင်ထားတဲ့ “With Love” ဆိုတဲ့ ဇာတ်ကားလေးပဲ ဖြစ်ပါတယ်။

ဇာတ်လမ်းအစမှာတော့ ဆက်တရာဟာ အိမ်ထောင်ပြုဖို့ စိတ်မဝင်စားပေမဲ့ အစ်မဖြစ်သူက ဇွတ်စီစဉ်ပေးတဲ့ Blind Date တစ်ခုကို မတတ်သာဘဲ သွားတွေ့ရပါတယ်။ အဲဒီမှာ မိုနီရှာဆိုတဲ့ ကောင်မလေးနဲ့ ဆုံတွေ့ကြရာကနေ စကားတွေပြောဖြစ်ကြရင်း သူတို့နှစ်ယောက်ဟာ ထရီချီက ကျောင်းတစ်ကျောင်းတည်းမှာ အတူတူတက်ခဲ့ဖူးတဲ့ စီနီယာ၊ ဂျူနီယာတွေ ဖြစ်နေမှန်း သိလိုက်ရပါတယ်။

ကျောင်းတုန်းက အမှတ်တရတွေ၊ ကိုယ်စီရှိခဲ့ကြတဲ့ First Love တွေနဲ့ ရင်ခုန်ခဲ့ရပုံတွေကို ပြောဖြစ်ကြရင်း မိုနီရှာက ထူးဆန်းတဲ့ အကြံတစ်ခု ပေးလာပါတယ်။ အဲဒါကတော့ သူတို့နှစ်ယောက် ရှေ့ဆက်ဖို့ ဆုံးဖြတ်ချက်မချခင် အတိတ်က သူတို့ တိတ်တိတ်လေး ကြိုက်ခဲ့ရပြီး ဖွင့်မပြောဖြစ်ခဲ့တဲ့ သူတို့ရဲ့ School Crushes တွေကို လိုက်ရှာပြီး ရင်ထဲက စကားတွေ ဖွင့်ပြောကာ လှပတဲ့ အချစ်ဦးဆိုတဲ့ အတိတ်စာမျက်နှာကို ပိတ်သိမ်းလိုက်ဖို့ပါပဲ။

“အချစ်ဦးဆိုတာ အမြဲတမ်း ပေါင်းဖက်ရဖို့ မဟုတ်ဘဲ၊ လှပတဲ့ အမှတ်တရတစ်ခုအနေနဲ့ သိမ်းထားဖို့ပါတဲ့…”

ဆက်တရာနဲ့ မိုနီရှာတို့ နှစ်ယောက် သူတို့ရဲ့ အတိတ်က အချစ်ဦးတွေကို လိုက်ရှာရင်း ဘယ်လို ရယ်မောစရာ အလွဲအချော်တွေ ကြုံရမလဲ… သူတို့နှစ်ယောက်ကြားက သံယောဇဉ်ကရော ဘယ်လို အဆင့်တက်သွားမလဲ ဆိုတာကို ပေါ့ပေါ့ပါးပါးနဲ့ ကြည့်ရှုလိုက်ပါဦးစို့။

Genre ….. Comedy, Romance
Quality ….. 720P / 1080P WEB-DL (HEVC)
File Size ….. 1.35GB / 2.59GB
Review ….. Venus
Translator ….. RMC Team
Encoder ….. SNNT

Rainbow Channel